ରୁପ୍ସା ଅଞ୍ଚଳରେ ଦନ୍ତା ହାତୀ ଆତଙ୍କ

ବାଲେଶ୍ଵର: ରୁପ୍ସା ଅଞ୍ଚଳରେ ଦନ୍ତା ହାତୀ ଆତଙ୍କ । ନୀଳବାଡି ଗାଁରେ ଗୁରୁବାର ସକାଳେ ଏକ ଦନ୍ତା ହାତୀ କେଶୁରା ଜଙ୍ଗଲରୁ ପଶିଆସିଥିଲା । ରାମେଶ୍ୱର ଦାସଙ୍କ ଘରେ ପଶି ଧାନ ଖାଇ ଗାଁ ରାସ୍ତା ଅତିକ୍ରମ କରି ବାରାପାଳ ଗାଁକୁ ପଶିଥିଲା । ସେଠାରେ ରାମଚନ୍ଦ୍ର ବେହେରାଙ୍କ ପାନ ଦୋକାନ କେବିନ ଭଙ୍ଗାରୁଜା କରିଥିଲା । ଗାଁ ଲୋକେ ହାତୀଟିକୁ ଘଉଡ଼ାଇବାରୁ ରୁପ୍ସା ସାମିଲ ହସନପୁର ହୋଇ ମୟୁରଭଞ୍ଜରେ ବାମଡା ଗାଁ ପାରି ହୋଇ ଜଙ୍ଗଲ ଆଡ଼କୁ ପଳାଇଥିଲା । ଏମିତି ହାତୀର ଆତଙ୍କ ଯୋଗୁଁ ବିଦ୍ୟୁତ ସରବରାହ ଦୀର୍ଘ ଘଣ୍ଟା ବନ୍ଦ ରହିଥିବା ସୂଟନା ମିଳିଛି ।