ଜୟଦେବ ଜେନାଙ୍କ ଘରେ ନୂଆବର୍ଷ ଆସର, ଦଳ ପାଇଁ ନେଲେ ନୂଆ ସଂକଳ୍ପ

ଭୁବନେଶ୍ବର: ବରିଷ୍ଠ କଂଗ୍ରେସ ନେତା ଜୟଦେବ ଜେନାଙ୍କ ଘରେ ନୂଆବର୍ଷର ଆସର । ନିଜ ବାସଭବନରେ ଦହିବରା ଖୁଆଇ ଶୁଭେଚ୍ଛୁ ମାନଙ୍କୁ ନୂଆବର୍ଷର ଅଭିନନ୍ଦନ ଜଣାଇଛନ୍ତି ଜୟଦେବ ଜେନା । କଂଗ୍ରେସ କିଭଳି ଅଧିକ ମଜଭୁତ ହେବ ସେନେଇ ତାଙ୍କ ପ୍ରୟାସ ଜାରି ରହିଥିବା ସେ କହିଛନ୍ତି । ନୂଆବର୍ଷରେ ନୂଆ ସଂକଳ୍ପ ନେଇ ସେ ଦଳକୁ ଅଧିକ ସଙ୍ଗଠିତ କରିବା ପାଇଁ ଲକ୍ଷ୍ୟ ରଖିଛନ୍ତି । ଆଜି ନୂଆବର୍ଷ ଅବସରରେ ନିଜ ବାସଭବନରେ ବିଭିନ୍ନ ମହଲରେ ଥିବା ନିଜ ବନ୍ଧୁ, ଆତ୍ମୀୟ, ଦଳୀୟ କର୍ମୀମାନଙ୍କ ସହ ଆଲୋଚନା କରିଛନ୍ତି ଜୟଦେବ ଜେନା ।