ରୋଡ ଶୋ' ବେଳେ ଅଚେତ୍ ହୋଇଗଲେ ମୁଖ୍ୟମନ୍ତ୍ରୀଙ୍କ ଝିଅ

ହାଇଦ୍ରାବାଦ: ନିର୍ବାଚନୀ ପ୍ରଚାର ବେଳେ ବିଗିଡିଲା ମୁଖ୍ୟମନ୍ତ୍ରୀ କେସିଆରଙ୍କ ଝିଅ କେ. କବିତାଙ୍କ ସ୍ବାସ୍ଥ୍ୟାବସ୍ଥା । ରୋଡ ଶୋ' କରିବା ସମୟରେ ହଠାତ୍ ଗାଡି ଉପରେ ଅଚେତ ହୋଇଗଲେ କବିତା  । ତେଲେଙ୍ଗାନାର ଇତିକ୍ୟାଲ ଅଞ୍ଚଳରେ ଏକ ରୋଡ ଶୋ' କରୁଥିବା ବେଳେ ଏହି ଘଟଣା ଦେଖିବାକୁ ମିଳିଥିଲା । ବିଆରଏସ ନେତ୍ରୀ କବିତା ଅଚାନକ ଚେତାଶୂନ୍ୟ ହୋଇ ତଳେ ପଡ଼ିଯିବା ପରେ ତାଙ୍କୁ ସଙ୍ଗେ ସଙ୍ଗେ ହସ୍ପିଟାଲ ନିଆଯାଇଥିଲା  । ତେବେ ଡିହାଇଡ୍ରେସନ୍‌ ଯୋଗୁଁ ସେ ଅଚେତ ହୋଇଥିବା ଜଣାପଡ଼ିଛି । ଚିକିତ୍ସା ପରେ ତାଙ୍କର ସ୍ବାସ୍ଥ୍ୟାବସ୍ଥା ଭଲ ଅଛି । ଏଠାରେ ଉଲ୍ଲେଖଯୋଗ୍ୟ ଯେ, ଆସନ୍ତା ୩୦ରେ ତେଲେଙ୍ଗାନା ବିଧାନସଭା ନିର୍ବାଚନ ହେବାକୁ ଯାଉଛି  । ଏଥିପାଇଁ ଜୋରସୋରରେ ପ୍ରଚାର ଚଳାଇଛନ୍ତି ସବୁ ରାଜନୈତିକ ଦଳ  । ଟାଣ ଖରାକୁ ଖାତିର ନକରି ହେଭିୱେଟ୍‌ ନେତାମାନେ ଘର ଘର ବୁଲି ଭୋଟ ମାଗୁଛନ୍ତି ।  ଏହି କ୍ରମରେ ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆରଙ୍କ ଝିଅ ତଥା BRS ନେତ୍ରୀ କେ. କବିତା ଇତିକ୍ୟାଲ ଅଞ୍ଚଳରେ ଏକ ରୋଡ୍‌ ଶୋ' କରୁଥିଲେ  । ଏତିକି ବେଳେ ହଠାତ୍ ତାଙ୍କର ସ୍ବାସ୍ଥ୍ୟାବସ୍ଥା ବିଗିଡ଼ି ଯାଇଥିଲା ।