୨୬ତମ ବେଦବ୍ୟାସ ସଙ୍ଗୀତ ମହୋତ୍ସବ, ଜାତୀୟସ୍ତରର ନୃତ୍ୟ ଓ ସଙ୍ଗୀତ ପରିବେଷଣ

ରାଉରକେଲା: ଧୁମଧାମରେ ପାଳନ ହେଉଛି ୨୬ତମ ବେଦବ୍ୟାସ ସଙ୍ଗୀତ 2023 ମହୋତ୍ସବ । ରାଉରକେଲା ସହରର ଭଞ୍ଜଭବନ ପ୍ରଦର୍ଶନୀ ପଡ଼ିଆ ମୁକ୍ତାକାଶ ରଙ୍ଗମଞ୍ଚରେ ଭଞ୍ଜ କଳାକେନ୍ଦ୍ର ଆନୁକୂଲ୍ୟରେ ଭଞ୍ଜ ସାଂସ୍କୃତିକ ନ୍ୟାସ ସହଭାଗିତାରେ ଏହି କାର୍ଯ୍ୟକ୍ରମ ଆୟୋଜନ ହୋଇଛି । ଦେଶର ବିଭିନ୍ନ ସ୍ଥାନରୁ ଅନେକ କଳାକାର ଆସି ନୃତ୍ୟ ଏବଂ ସଙ୍ଗୀତ ପରିବେଷଣ କରୁଛନ୍ତି । ତେବେ ପ୍ରାୟ ପାଞ୍ଚ ଦିନ ଧରି ଆୟୋଜନ ହେବ ଏହି ବେଦବ୍ୟାସ ସଙ୍ଗୀତ ମହୋତ୍ସବ । 

ଭାରତ ଯେଉଁ ସମୃଦ୍ଧ ଐତିହ୍ୟ ଓ କଳାତ୍ମକ ଉତ୍କର୍ଷତା ପାଇଁ ପରିଚିତ ତାହାକୁ ଏହି ଉତ୍ସବରେ ପ୍ରଦର୍ଶିତ କରାଯାଉଛି । ଓଡ଼ିଶୀ ନୃତ୍ୟର ଚମତ୍କାରିତା ମଧ୍ୟ ଦର୍ଶକଙ୍କ ମନମୋହୁଛି । ଛତିଶଗଡ଼ ଲୋକନୃତ୍ୟ ସାଙ୍ଗକୁ ଜଟିଳ ପାଦୁକା ଓ କାହାଣୀ ପାଇଁ ପରିଚିତ କଥକ ମଧ୍ୟ ଦର୍ଶକଙ୍କୁ ବେଶ ଆକୃଷ୍ଟ କରୁଛି । ଏହା ମଧ୍ୟରେ ଗୋଟିପୁଅ ଓ ସମ୍ବଲପୁରୀ ନୃତ୍ୟ ଓଡ଼ିଶାର ଉଜ୍ଜ୍ୱଳ ଗ୍ରାମୀଣ ସଂସ୍କୃତିର ଝଲକ ପ୍ରଦାନ କରିଛି । ଘୋଡ଼ା ନୃତ୍ୟ, କୁଚିପୁଡି ଏବଂ ଛଉ ପ୍ରଦର୍ଶନ ଏହି ଉତ୍ସବର ନୃତ୍ୟ ପ୍ରଦର୍ଶନକୁ ଅଧିକ ମାତ୍ରାରେ ଉତ୍ସାହିତ କରୁଛି । ସେପଟେ ସଙ୍ଗୀତ ଶିଳ୍ପୀମାନଙ୍କ ସୁମଧୁର ସ୍ୱରରେ ଝୁମି ଉଠିଛନ୍ତି ଶ୍ରୋତା । ଏହି ଉତ୍ସବରେ ଓଡିଶୀ, ହିନ୍ଦୁସ୍ଥାନୀ ଏବଂ ଭାରତୀୟ ଶାସ୍ତ୍ରୀୟ ସଙ୍ଗୀତର ଗଭୀରତା ଏବଂ ବିବିଧତାକୁ ପ୍ରଦର୍ଶନ କରିଛି ।  

ଏହା ମଧ୍ୟ ପଢ଼ନ୍ତୁ...Watch: ବାସନ ମାଜିଲେ ଶ୍ରମମନ୍ତ୍ରୀ ସାରଦା ନାୟକ

ଇଟିଭି ଭାରତ, ସୁନ୍ଦରଗଡ଼