ULB Polls: ଯାଜପୁର ପୌର ପରିଷଦରେ ଭୋଟ ଦେଉଛନ୍ତି ୮୦ ହଜାରୁ ଊର୍ଦ୍ଧ୍ବ ଭୋଟର

ଯାଜପୁର: ପୌର ନିର୍ବାଚନ ପାଇଁ ଭୋଟ ଗ୍ରହଣ ଆରମ୍ଭ ହୋଇଯାଇଛି । ଯାଜପୁର ଜିଲ୍ଲାର ଦୁଇଟି ପୌରପରିସଦରେ ଆଜି (ଗୁରୁବାର) ସକାଳ 8ଟା ରୁ ଆରମ୍ଭ ହୋଇଛି ମତଦାନ । ତେବେ ଯାଜପୁର ଟାଉନର 18ଟି ୱାର୍ଡର 36ଟି ବୁଥରେ 29 ହଜାରରୁ ଉର୍ଦ୍ଧ୍ବ ଭୋଟର ନିଜର ମତ ସାବ୍ୟସ୍ତ କରିଛନ୍ତି । ସେହି ପରିପକ୍ଷରେ ବ୍ୟାସନଗର ପୌର ପରିଷଦର 26ଟି ୱାର୍ଡର 44ଟି ବୁଥରେ 35ହଜାରରୁ ଉର୍ଦ୍ଧ ଭୋଟର ମତ ସାବ୍ୟସ୍ତ କରୁଛନ୍ତି । ଏହାକୁ ଦୃଷ୍ଟିରେ ରଖି ଯାଜପୁର ଏସ.ପି ରାହୁଲ ପି.ଆର ଙ୍କ ନିର୍ଦ୍ଦେଶ କ୍ରମେ ପ୍ରତ୍ୟେକ ବୁଥରେ ବ୍ୟାପକ ପୋଲିସ ମୁତୟନ ହୋଇଥିବା ଦେଖିବାକୁ ମିଳିଛି। ତେବେ ଆଜି ସକାଳ 8ଟାରୁ 5ଟା ପର୍ଯ୍ୟନ୍ତ ଭୋଟ ଗ୍ରହଣ ଚାଲିବ ବୋଲି ନିର୍ବାଚନ ଅଧିକାରୀ ସୂଚନା ଦେଇଛନ୍ତି । ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ