ବିଜେଡି ପ୍ରତି ଲୋକଙ୍କ ଆଶୀର୍ବାଦ ରହିଛି: ଦେବୀ

ଭୁବନେଶ୍ବର: ପଞ୍ଚାୟତ ନିର୍ବାଚନ ପ୍ରସ୍ତୁତି ଆରମ୍ଭ କରିଛି ବିଜେପି । ଏ ନେଇ ଦଳୀୟ କାର୍ଯ୍ୟାଳୟରେ ଆଜି ବସିଛି ଦିନ ତମାମ ବୈଠକ । ଏହାକୁ ନେଇ ପ୍ରତିକ୍ରିୟା ରଖିଛନ୍ତି ବିଜେଡି ଉପସଭାପତି ତଥା ବିଧାୟକ ଦେବୀ ପ୍ରସାଦ ମିଶ୍ର । ବିଜେଡି ପ୍ରତି ଲୋକଙ୍କ ଆଶୀର୍ବାଦ ରହିଛି ବୋଲି କହିଛନ୍ତି ଦେବୀ । ବିଜେପି ପୂର୍ବରୁ ବୁଥ ଜଗୁଥିଲା । ଏବେ ୱାର୍ଡ ଜଗିବ । ସେଥିରେ ବିଜେଡିର କିଛି ସମସ୍ୟା ନାହିଁ । ବିଜେଡି ପ୍ରତି ଲୋକଙ୍କ ଆଶୀର୍ବାଦ ରହିଛି । ନବୀନଙ୍କ ଉପରେ ଭରସା ରହିଛି । ପିପିଲି, ବାଲେଶ୍ବର ଉପନିର୍ବାଚନରେ ଲୋକ ଆଶୀର୍ବାଦ କରିଛନ୍ତି । ପଞ୍ଚାୟତ ନିର୍ବାଚନରେ ବି ବିଜେଡି ବାଜିମାତ କରିବ । ନିର୍ବାଚନ ଥାଉ ବା ନଥାଉ ବିକାଶ ମୂଳକ କାର୍ଯ୍ୟକ୍ରମ ଜାରି ରହିଛି । ସାମାଜିକ ନିରାପତ୍ତା ଉପରେ ରାଜ୍ୟ ଉଲ୍ଲେଖନୀୟ ଭୂମିକା ନେଉଛି ବୋଲି ଦେବୀ ମିଶ୍ର କହିଛନ୍ତି । ଭୁବନେଶ୍ବରରୁ ଭବାନୀଶଙ୍କର ଦାସ,ଇଟିଭି ଭାରତ