ପୌର ଫାଇଟ: ଶଙ୍ଖ ବଜାଇ ଘରକୁ ଘର ବୁଲି ପ୍ରଚାର କରୁଛନ୍ତି ପ୍ରାର୍ଥନୀ

ବ୍ରହ୍ମପୁର: ପୌର ନିର୍ବାଚନ ପ୍ରଚାର ପାଇଁ ଆଜି ଶେଷ ଦିନ । ଶେଷଦିନରେ ଭୋଟରଙ୍କୁ ଆକୃଷ୍ଟ କରିବାକୁ ଶାସକ ଦଳ ପୌରାଧ୍ୟକ୍ଷ ଓ କର୍ପୋରେଟର ପ୍ରାର୍ଥୀ ଶଙ୍ଖ ବଜାଇ ଘରକୁ ଘର ବୁଲି ପ୍ରଚାର କରୁଛନ୍ତି । ବ୍ରହ୍ମପୁର ମହାନଗର ନିଗମର ୧୪ ନମ୍ବର ୱାର୍ଡରେ ଘରକୁ ଘର ବୁଲି ପ୍ରଚାର କରୁଛନ୍ତି ବିଜେଡିର କର୍ପୋରେଟର ପ୍ରାର୍ଥୀନୀ ଗୀତାରାଣୀ ପଣ୍ଡା । ୱାର୍ଡରେ ରହିଥିବା ବିଭିନ୍ନ ସମସ୍ୟାର ସମାଧାନ କରିବା ପ୍ରତିଶ୍ରୁତି ଦେଇ ପ୍ରଚାର କରୁଛନ୍ତି ବିଜୁ ଜନତା ଦଳର ପ୍ରାର୍ଥିନୀ । ଶେଷ ପର୍ଯ୍ୟାୟରେ ନିଜର ସମର୍ଥକଙ୍କ ସହିତ ସାହିରୁ ସାହିକୁ ବୁଲି ପ୍ରଚାର କରୁଛନ୍ତି । ଏନେଇ ପାର୍ଥିନୀ ଓ ସମର୍ଥକଙ୍କ ସହ ଅଧିକ ଆଲୋଚନା କରିଛନ୍ତି ଆମ ବ୍ରହ୍ମପୁର ପ୍ରତିନିଧି ସମୀର ଆଚାର୍ଯ୍ୟ ।