ହିମଚାଦରରେ ହିମାଚଳ, ଦେଖନ୍ତୁ ପ୍ରକୃତିର ଏହି ଅପୂର୍ବ ଦୃଶ୍ୟ

ଶିମଲା: ବରଫାପାତରେ ଭିଜିଲା ହିମାଚଳ ପ୍ରଦେଶ । ଆଜି ସକାଳୁ ସକାଳୁ ରାଜଧାନୀ ଶିମଲା ସମେତ ବିଭିନ୍ନ ପାହାଡି ଇଲାକାରେ ପୁଣିଥରେ ତୁଷାରପାତ ଆରମ୍ଭ ହୋଇଛି । ବରଫପାତ ଯୋଗୁଁ ଶିମଲାର ଅଧିକାଂଶ ଅଞ୍ଚଳରେ ଯାତାୟତ ଠପ୍ ରହିଛି । ଏଠାରେ ତାପମାତ୍ରା ମଧ୍ୟ ଖୁବ୍ ତଳକୁ ଖସି ଆସିଛି । ରାସ୍ତାଘାଟ, ଗାଡିମଟର, ଘର ଦ୍ବାର, ବୃକ୍ଷଲତା ସବୁ କିଛି ଆବୃତ୍ତ ହୋଇଛି ଶୁଭ୍ର ଚାଦରରେ । ଯାନବାହନ ଯାତାୟତ ନ କରିପାରିବା ଯୋଗୁଁ ଲୋକେ ବାଧ୍ୟ ହୋଇ ଚାଲି ଚାଲି ଯାଉଥିବାର ଦେଖାଯାଇଛି । ବର୍ଷା ସାଙ୍ଗକୁ ବରଫପାତ ନେଇ ସାରା ରାଜ୍ୟରେ ଆଲର୍ଟ ଜାରି କରିଛି ପାଣିପାଗ ବିଭାଗ ।