ସ୍ତ୍ରୀର ଲାଇଭ ସୁଇସାଇଡ, ଫୋନରେ ଭିଡିଓ ରେକର୍ଡ କଲା ସ୍ବାମୀ

ଅମରାବତୀ: ସ୍ବାମୀ ଆଖି ଆଗରେ ଲାଇଭ ସୁଇସାଇଡ଼ କଲା ସ୍ତ୍ରୀ । କିନ୍ତୁ ଆଶ୍ଚର୍ଯ୍ୟର କଥା ସ୍ତ୍ରୀକୁ ବଞ୍ଚାଇବା ବଦଳରେ ସ୍ବାମୀ କରୁଥିଲେ ଭିଡ଼ିଓ ଉତ୍ତୋଳନ । ଆଉ ଏହି ଭିଡ଼ିଓକୁ ପରିବାରର ଅନ୍ୟ ସଦସ୍ୟଙ୍କ ନିକଟକୁ ମଧ୍ୟ ପଠାଇଛି । ଏଭଳି ଚାଞ୍ଚଲ୍ୟକର ଘଟଣା ଆନ୍ଧ୍ରପ୍ରଦେଶ ନେଲୋରେ ଜିଲ୍ଲାର ଆତ୍ମକୁରୁ ଅଞ୍ଚଳରେ ଘଟିଛି । ତେବେ ପରିବାର ସଦସ୍ୟଙ୍କ ନିକଟରୁ ଏହି ଖବର ପାଇବା ପରେ ପୋଲିସ ତୁରନ୍ତ ଘଟଣାସ୍ଥଳକୁ ପହଞ୍ଚିଥିଲା । ଏହାପରେ ମୃତଦେହକୁ ଉଦ୍ଧାର କରି ନିକଟସ୍ଥ ସରକାରୀ ହସ୍ପିଟାଲକୁ ପଠାଇଥିଲା । ପତ୍ନୀକୁ ବଞ୍ଚାଇବା ବଦଳରେ ଭିଡ଼ିଓ ଉତ୍ତୋଳନ କରୁଥିବାରୁ ସ୍ବାମୀକୁ ଗିରଫ କରିଛି ପୋଲିସ । ବ୍ୟୁରୋ ରିପୋର୍ଟ, ଇଟିଭି ଭାରତ