ସିସିଟିଭିରେ ବେଙ୍ଗାଲୁରୁ ହିଂସା, ଦେଖନ୍ତୁ

ବେଙ୍ଗାଲୁରୁ: କଭାଲ ବିରସାନ୍ଦ୍ରରେ ଥିବା କଂଗ୍ରେସ ବିଧାୟକ ଶ୍ରୀନିବାଶ ମୁର୍ତ୍ତୀଙ୍କ ଘର ଆଡକୁ ଦୁର୍ବୃତ୍ତ ମାନେ ଦୌଡି ଯାଉଥିବାର ଦୃଶ୍ୟ ସିସିଟିଭିରେ କଏଦ ହୋଇଛି । ଭିଡିଓରେ ଏହା ମଧ୍ୟ ଦେଖିବାକୁ ମିଳୁଛି ଯେ, ଦୁର୍ବୃତ୍ତ ବିଧାୟକଙ୍କ ଘରେ ପଶି ଭଙ୍ଗାରୁଜା କରିବା ସହ ଗାଡିମୋଟରକୁ ଭାଙ୍ଗି ନଷ୍ଟ କରିଦେଇଛନ୍ତି । ସେମାନେ ପାଖାପାଖି 10ଟି ଗାଡିରେ ନିଆଁ ଲଗାଇ ଦେଇ ଥିବାବେଳେ ସେଥିରେ ପୋଲିସ ଭ୍ୟାନ ଓ ଡିସିପିଙ୍କ କାର ମଧ୍ୟ ରହିଛି । ରାସ୍ତା ପାର୍ଶ୍ବରେ ଥିବା ଦୋକାନ ଗୁଡିକରେ ଲାଗିଥିବା ଷ୍ଟ୍ରିଟ୍‌ ଲାଇଟ ଓ ସିସିଟିଭିକୁ ମଧ୍ୟ ଭାଙ୍ଗି ଦେଇଛନ୍ତି । ଯାହାକୁ ପୋଲିସ ହିଁ ଲଗାଇଥିଲା।