ଶୁଖିଲା ଘାସ ଉପରେ ସବୁଜ ରଙ୍ଗ ସ୍ପ୍ରେ, ଶିବରାଜଙ୍କୁ ବିରୋଧୀଙ୍କ ସମାଲୋଚନା

ଭୋପାଳ: ଶୁଖି ଝୁଣା ହୋଇଯାଇଥିବା ଘାସ ଉପରେ ସବୁଜ ରଙ୍ଗ ସ୍ପ୍ରେ ( green paint spray on dry grass )। ମଧ୍ୟପ୍ରଦେଶ ଇନ୍ଦୋରରେ ପ୍ରବାସୀ ଭାରତୀୟ ଦିବସ ନେଇ ଏକ କାର୍ଯ୍ୟକ୍ରମ ଆୟୋଜନ ହୋଇଥିଲା । ପ୍ରବାସୀ ଭାରତୀୟ ଦିବସ ସମ୍ମିଳନୀ ନେଇ ଏକ ଛକରେ ଶୁଖିଲା ଘାସ ଉପରେ ସବୁଜ ରଙ୍ଗ ସ୍ପ୍ରେ କରାଯାଉଥିବା କ୍ୟାମେରାରେ କଏଦ ହୋଇଛି । ଭିଡିଓଟି ସୋସିଆଲ ମିଡିଆରେ ଘୁରି ବୁଲୁଛି । ଏହାକୁ ନେଇ କେନ୍ଦ୍ର ସରକାର ଓ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିରରାଜ ସିଂ ଚୌହାନଙ୍କୁ ସମାଲୋଚନା କରିଛି ବିରୋଧୀ କଂଗ୍ରେସ । ଭାରତୀୟ ଯୁବ କଂଗ୍ରେସ ସଭାପତି ବି ଭି ଶ୍ରୀନିବାସ ଭିଡିଓକୁ ଟ୍ବିଟର ସେୟାର କରି ଲେଖିଛନ୍ତି, ''ଅକଳ୍ପନୀୟ ଅବିଶ୍ବସନୀୟ ଚିତ୍ର । ପ୍ରଧାନମନ୍ତ୍ରୀଙ୍କ ଇନ୍ଦୋର ଗସ୍ତ ପୂର୍ବରୁ ଇନ୍ଦୋରକୁ ସବୁଜ ସୁନ୍ଦର କରିବା ପାଇଁ ବିଜେପି ସରକାର ଘାସକୁ ସବୁଜ ରଙ୍ଗରେ ରଙ୍ଗୀନ କରିଛନ୍ତି । ବାଃ ବାଃ ଶିବରାଜ ବାଃ।'' ଜବାବରେ ମଧ୍ୟପ୍ରଦେଶ ବିଜେପି ମୁଖପାତ୍ର ନରେନ୍ଦ୍ର ସାଲୁଜା ପ୍ରବାସୀ ଭାରତୀୟ ସମ୍ମିଳନୀ ଆୟୋଜନ କରିବାକୁ ବଡ ସୁଯୋଗ ପାଇଥିବା ଇନ୍ଦୋରକୁ କମ ସମୟରେ ସଜା ଯାଇଛି ଯାହାକୁ ନେଇ କଂଗ୍ରେସ ଯନ୍ତ୍ରଣା ଅନୁଭବ କରୁଛି ।