ନୂଆଦିଲ୍ଲୀ: ଟୀକାକରଣ କ୍ଷେତ୍ରରେ ଆଉ ଏକ ମାଇଲଖୁଣ୍ଟ ଅତିକ୍ରମ କଲା ଭାରତ । ଦେଶରେ ୨୦୦ କୋଟି ପାର କଲା କୋରୋନା ଟୀକାକରଣ । ଯାହା କୋରୋନା ବିରୋଧି ଲଢେଇରେ କେନ୍ଦ୍ର ସରକାରଙ୍କ ଏକ ବଡ ଉପଲବ୍ଧି । ୧୮ ମାସ ମଧ୍ୟରେ ୨ଶହ କୋଟି ଟୀକାକରଣ ପାର କରିଛି ଭାରତ । ଏନେଇ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭ୍ୟ ସୂଚନା ପ୍ରଦାନ କରିଛନ୍ତି । ସେ ପ୍ରତିକ୍ରିୟା ରଖି କହିଛନ୍ତି ଯେ,''ଦେଶରେ କୋଭିଡ ୧୯ ଟୀକାକରଣ ୨କୋଟି ଅତିକ୍ରମ କରିଛି, ଏହା ଭାରତ ପାଇଁ ଏକ ଗର୍ବର ବିଷୟ । ଏହି ସଫଳତା ପାଇଁ ମୁଁ ସ୍ୱାସ୍ଥ୍ୟ କର୍ମଚାରୀ ଏବଂ ନାଗରିକମାନଙ୍କୁ ଅଭିନନ୍ଦନ ଜଣାଉଛି'' ।
-
#200CroreVaccinations#WellDoneIndia pic.twitter.com/95HJIIz30P
— Ministry of Health (@MoHFW_INDIA) July 16, 2022 " class="align-text-top noRightClick twitterSection" data="
">#200CroreVaccinations#WellDoneIndia pic.twitter.com/95HJIIz30P
— Ministry of Health (@MoHFW_INDIA) July 16, 2022#200CroreVaccinations#WellDoneIndia pic.twitter.com/95HJIIz30P
— Ministry of Health (@MoHFW_INDIA) July 16, 2022
ଗତବର୍ଷ ଜାନୁଆରୀ 16ରେ କୋଭିଡ ଟୀକାକରଣ ଡ୍ରାଇଭ ପ୍ରଥମ ପର୍ଯ୍ୟାୟ ଆରମ୍ଭ ହୋଇଥିଲା । ସେବେ ଠାରୁ ଦେଶରେ ଟୀକାକରଣ ପ୍ରକ୍ରିୟା ଦେଶରେ ଜୋରଦାର ହେଉଛି । ପରେ ଜୁନ୍ ୨୦୨୧ରେ ଦେଶରେ ଆରମ୍ଭ ହୋଇଥିଲା କ୍ୟାମ୍ପେନ ମୋଡରେ ଟୀକାକରଣ । ପ୍ରଥମ ପର୍ଯ୍ୟାୟରେ ସ୍ବାସ୍ଥ୍ୟକର୍ମୀମାନଙ୍କୁ କୋରୋନା ଟିକା ଦିଆଯାଇଥିଲା । ପରେ ଫେବୃଆରୀ ୨ରେ ଫ୍ରଣ୍ଟଲାଇନ କୋରୋନା ଯୋଦ୍ଧାଙ୍କୁ କରାଯାଇଥିଲା ଭ୍ୟାକ୍ସିନେସନ । ପରେ ମାର୍ଚ୍ଚ ୧ରୁ ୬୦ ବର୍ଷରୁ ଅଧିକ ଲୋକଙ୍କୁ ଟୀକାକରଣ ହୋଇଥିଲା । ଏପ୍ରିଲ ୧ରୁ ୪୫ ବର୍ଷରୁ ଅଧିକ ବୟସ୍କଙ୍କୁ କୋରୋନା ଟିକା ଦିଆଯାଇଥିଲା ।
କେନ୍ଦ୍ର ସରକାର ମେ’ ୧ ତାରିଖରୁ ୧୮ ବର୍ଷରୁ ଅଧିକ ଲୋକଙ୍କୁ ମହାମାରୀରୁ ବର୍ତ୍ତିବା ପାଇଁ କୋରୋନା ଟୀକାକରଣ ଆରମ୍ଭ ହୋଇଥିଲା । ଏହାପରେ ମାର୍ଚ୍ଚ ୧୬ରେ ୧୨ରୁ ୧୪ ବର୍ଷ ବୟସ୍କଙ୍କ ଆରମ୍ଭ ହୋଇଥିଲା ଟୀକାକରଣ । ଗତ ଶୁକ୍ରବାର ଦେଶରେ ୧୮ରୁ ୫୯ ବର୍ଷ ବୟସ୍କଙ୍କ ଆରମ୍ଭ ହୋଇଛି ମାଗଣା ବୁଷ୍ଟର ଡୋଜ । ସରକାରୀ ଟୀକାକରଣ କେନ୍ଦ୍ରରେ ବୁଷ୍ଟଡୋଜ ମାଗଣା ଦିଆଯିବା ନେଇ କିଛିଦିନ ପୂର୍ବେ ଘୋଷଣା କରିଥିଲେ କେନ୍ଦ୍ର ସରକାର । 75 ଦିନ ପର୍ଯ୍ୟନ୍ତ ଜାରି ରହିବ ବୁଷ୍ଟର ଡୋଜ ଟୀକାକରଣ ।
