ସାର୍କ ଆକ୍ରମଣରେ ଯୁବକ ଗୁରୁତର

Youth Injured Severely due to Shark Attack : ମୁମ୍ବାଇ: ସାର୍କ ଆକ୍ରମଣରେ ଗୁରୁତର ଆହତ ହେଲେ ଯୁବକ । ସୂଚନା ଅନୁଯାୟୀ, ମହାରାଷ୍ଟ୍ରର ପାଲଘର ସ୍ଥିତ ସାଇଲେଣ୍ଟ ହୋଟେଲ ନିକଟକୁ ଯୁବକ ଜଣକ ମାଛ ଧରିବାକୁ ଯାଇଥିଲେ । ମାଛ ଧରିବାବେଳେ ହଠାତ୍ ସାର୍କ ଆକ୍ରମଣ କରିଥିଲା ।    

ଏହା ମଧ୍ୟ ପଢ଼ନ୍ତୁ..... ସ୍ୱାମୀ ସହ ଝଗଡ଼ା ହେବାରୁ 3 ପିଲାଙ୍କୁ ଧରି ନଦୀକୁ ଡେଇଁପଡିଲା ମାଆ

ଆକ୍ରମଣରେ ଯୁବକଙ୍କୁ ସାର୍କ କାମୁଡ଼ାର ଶିକରା ହେବାକୁ ପଡ଼ିଥିଲା । ଫଳରେ ତାଙ୍କ ଗୋଡ଼ର ଅଧିକ ଅଂଶ ସାର୍କ କାମୁଡ଼ି ନେଇଯିବା ଫଳରେ ଯୁବକ ଜଣକ ଗୁରୁତର ଆହତ ହୋଇଯାଇଛନ୍ତି  । ପ୍ରବଳ ରକ୍ତ ବୋହିବା କାରଣରୁ ଯୁବକ ଜଣକ ଚେତାଶୂନ୍ୟ ହୋଇ ପଡ଼ିଥିଲେ। ପ୍ରଥମେ ତାଙ୍କୁ ମନୋରର ଆସ୍ତା ହସ୍ପିଟାଲରେ ଚିକିତ୍ସା କରାଯାଇଥିଲା । ପରେ ଅଧିକ ଚିକିତ୍ସା ପାଇଁ ତାଙ୍କୁ ସେଲଭାସାସ୍ଥିତ ବିନୋବା ଭାବ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଆହତ ଯୁବକ ବିକି ଗୋୱାରୀ ବୋଲି ଜଣାପଡ଼ିଛି । ତେବେ ଆକ୍ରମଣ କରିଥିବା ସାର୍କର ଓଜନ ପାଖାପାଖି ଦୁଇଶହ କିଲୋ ବୋଲି ଅନୁମାନ କରାଯାଉଛି । ସାର୍କ ଆକ୍ରମଣ କାରଣରୁ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛି ।