ପଣସ ଦେଖି ଲୋଭ ସମ୍ଭାଳି ପାରିଲାନି ଭାଲୁ, ଗଛରେ ଚଢି ଖାଇଲା - Bear Eats Jackfruit

ନବରଙ୍ଗପୁର: ଗଛରେ ପାଚିଥିଲା ପଣସ । ପାଚିଲା ପଣସର ବାସ୍ନାରେ ବିମୋହିତ ହୋଇ ଗଛରେ ଚଢିଗଲା ଭାଲୁ । ପଣସ ଗଛରେ ବସି ପଣସ ଖାଇଲା । ଏପରି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ସଦର ବ୍ଲକ ଅନ୍ତର୍ଗତ ଭତରାସିଉନି ଗ୍ରାମରେ । ଭାଲୁକୁ ଦେଖି ଗ୍ରାମବାସୀ ଭୟଭୀତ ହୋଇ ବନ ବିଭାଗକୁ ସୂଚନା ଦେଇଥିଲେ । ତେବେ ଭାଲୁଟିକୁ ବନବିଭାଗ କାବୁ କରିଛି ନା ନାହିଁ ତାହା ସ୍ପଷ୍ଟ ହୋଇନାହିଁ । ଗ୍ରାମର ବାବୁଲି ମିଶ୍ରଙ୍କ ଫାର୍ମ ହାଉସରେ ଭାଲୁ ପଣସ ଗଛ ଉପରେ ଚଢି ପଣସ ଖାଉ ଥିବାର ଦୃଶ୍ୟ ଦେଖିବାକୁ ମିଳିଛି । ଖାଦ୍ୟ ଅନ୍ୱେଷଣରେ ଭାଲୁ ଭତରା ସିଉନି ଗାଁରେ ଘର ଘର ବୁଲୁଥିବାର ଅଭିଯୋଗ ମଧ୍ୟ ହେଇଛି । ଫଳରେ ଭୟରେ ଲୋକେ ଘର ବାହାରକୁ ଆସୁନାହାନ୍ତି । ଗତ କିଛି ମାସ ତଳେ ଭାଲୁ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିଲା । ଭାଲୁକୁ ପିଟି ପିଟି ଲୋକେ ମାରି ଦେଇଥିଲେ ।  

ଇଟିଭି ଭାରତ, ନବରଙ୍ଗପୁର