ଶେଷଯାତ୍ରାରେ ମନମୋହନ ସିଂହ, ରାଷ୍ଟ୍ରୀୟ ମର୍ଯ୍ୟାଦାରେ ଆଜି ଶେଷକୃତ୍ୟ

ଦିଲ୍ଲୀ AICC କାର୍ଯ୍ୟାଳୟରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଶେଷ ଦର୍ଶନ । ପରେ ନିଗମବୋଧ ଘାଟରେ ଶେଷକୃତ୍ୟ ।

ନୂଆଦିଲ୍ଲୀ: ଭାରତ ଅର୍ଥନୀତିର ବିନ୍ଧାଣୀଙ୍କୁ ଝୁରୁଛି ଦେଶ । ଆଜି ପଞ୍ଚଭୂତରେ ବିଲୀନ ହେବ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ମରଶରୀର । ଗତକାଲି ବହୁ ବିଶିଷ୍ଠ ବ୍ୟକ୍ତି ତାଙ୍କ ବାସଭବନରେ ଶେଷ ଦର୍ଶନ କରି ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଦେଇଥିଲେ । ଆଜି ଦିଲ୍ଲୀର ନିଗମବୋଧ ଘାଟରେ ହେବ ଶେଷକୃତ୍ୟ । ପୂର୍ବାହ୍ନ 11ଟି 45 ମିନିଟରେ ରାଷ୍ଟ୍ରୀୟ ମର୍ଯ୍ୟାଦା ସହ ଶେଷକୃତ୍ୟ କରାଯିବ । ରାଷ୍ଟ୍ରୀୟ ମର୍ଯ୍ୟାଦା ପାଇଁ ପ୍ରତିରକ୍ଷା ମନ୍ତ୍ରଣାଳୟକୁ ଗୃହ ମନ୍ତ୍ରଣାଳୟ କହିଛି ।

#WATCH | Delhi: Lok Sabha LoP & Congress MP Rahul Gandhi and Congress MP Priyanka Gandhi Vadra pay last respects to former Prime Minister #DrManmohanSingh at AICC Headquarters. pic.twitter.com/4iLrAXsqsZ

— ANI (@ANI) December 28, 2024

ଆଜି ସକାଳ ୯ ଟା ସମୟରେ ଦିଲ୍ଲୀର କଂଗ୍ରେସ ମୁଖ୍ୟାଳୟରୁ ଶେଷଯାତ୍ରାରେ ବାହାରିଥିଲା ମନମୋହନ ସିଂହଙ୍କ ପାଥିବ ଶରୀର । ନିଗମବୋଧ ଘାଟରେ ଅନ୍ତିମଯାତ୍ରା ଶେଷ ପରେ ଶ୍ମଶାନରେ ହେବ ଶେଷକୃତ୍ୟ । ସେଠାରେ ସ୍ମାରକସ୍ଥଳ ନିର୍ମାଣ କରିବାକୁ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କୁ ଚିଠି ଯୋଗେ ଜଣାଇଛନ୍ତି କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେ ।

#WATCH | Delhi | Mortal remains of former Prime Minister #DrManmohanSingh being taken inside the AICC headquarters.

The mortal remains will be kept there for the party workers to pay their last respects. pic.twitter.com/0mdRLheRtx

— ANI (@ANI) December 28, 2024

ଏହା ବି ପଢନ୍ତୁ...ମନମୋହନ ସିଂହଙ୍କ ଜୀବନୀ ସଚ୍ଚୋଟତା ଏବଂ ସରଳତାର ପ୍ରତିବିମ୍ବ: ମୋଦି ଏହା ବି ପଢନ୍ତୁ...'ଦ ଆକ୍ସିଡେଣ୍ଟାଲ୍ ପ୍ରାଇମମିନିଷ୍ଟର-ମେ ଅଟଲ ହୁଁ'...ଦେଶର ପ୍ରଧାନମନ୍ତ୍ରୀଙ୍କ ଉପରେ ନିର୍ମିତ ଏହି ଫିଲ୍ମ ଏହା ମଧ୍ୟ ପଢନ୍ତୁ-ମନମୋହନଙ୍କ ନୀଳ ପଗଡ଼ି ରହସ୍ୟ କ'ଣ ? - MANMOHAN SINGH

#WATCH | Delhi | Mortal remains of former Prime Minister #DrManmohanSingh brought to AICC headquarters.

The mortal remains will be kept there for the party workers to pay their last respects. pic.twitter.com/iVE8MqI9KN

— ANI (@ANI) December 28, 2024

ମନେ ରହିବେ ମନମୋହନ:

ଶାନ୍ତ, ସରଳ ଓ ବିଦ୍ବାନ ବ୍ୟକ୍ତି ଥିଲେ ମନମୋହନ ସିଂହ । ଦେଶ ବିଭାଜନ ସମୟର ଆହ୍ବାନ ଠାରୁ ଆରମ୍ଭ କରି ଭାରତର ଅର୍ଥନୈତିକ ସଂସ୍କାର ଆଣିବା ପର୍ଯ୍ୟନ୍ତ ତାଙ୍କର ଭୂମିକା ଅତୁଳନୀୟ । ସେ ଥିଲେ ଅର୍ଥନୀତିର ଚାଣକ୍ୟ । ସଚ୍ଚୋଟ ତଥା ସରଳ ଜୀବନଯାପନ କରୁଥିବା ର୍ନିବିବାଦୀୟ ବ୍ୟକ୍ତିତ୍ବ ଥିଲେ ମନମୋହନ । ଜଣେ ଦୟାଳୁ ମଣିଷ, ଦକ୍ଷ ଅର୍ଥନୀତିଜ୍ଞ ଏବଂ ସଂସ୍କାର ପାଇଁ ଉତ୍ସର୍ଗୀକୃତ ନେତା ଭାବରେ ସେ ସର୍ବଦା ମନେ ରହିବେ । ପ୍ରଧାନମନ୍ତ୍ରୀ ଭାବରେ ଦେଶର ଅଗ୍ରଗତି ତଥା ବିକାଶରେ ତାଙ୍କର ଅବଦାନ ସର୍ବଦା ସ୍ମରଣୀୟ ରହିବ । ତାଙ୍କର ବିୟୋଗରେ ଏବେ ସାରା ଦେଶ ସ୍ତବ୍ଧ । ଏନେଇ ଦେଶବ୍ୟାପୀ 7 ଦିନ ଧରି ରାଷ୍ଟ୍ରୀୟ ଶୋକ ପାଳନ ହେଉଛି ।

#WATCH | Delhi | Mortal remains of former Prime Minister #DrManmohanSingh being taken to AICC headquarters.

The mortal remains will be kept there for the party workers to pay their last respects. pic.twitter.com/tiDuxHq45l

— ANI (@ANI) December 28, 2024

ଗୁରୁବାର ଦିନ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ 92 ବର୍ଷ ବୟସରେ ପରଲୋକ ଘଟିଥିଲା। ୧୯୯୧ରେ ପ୍ରଥମ ଥର ରାଜ୍ୟସଭାକୁ ନିର୍ବାଚିତ ହୋଇଥିଲେ ମନମୋହନ। 1991ରୁ 1996ରେ ତତ୍କାଳୀନ ନରସିଂହା ରାଓ ସରକାରରେ ସେ ଅର୍ଥମନ୍ତ୍ରୀ ଭାବେ ଗୁରୁଦାୟିତ୍ବ ତୁଲାଇଥିଲେ । ବିଶିଷ୍ଟ ଅର୍ଥଶାସ୍ତ୍ରୀ ତଥା ଭାରତୀୟ ରାଜନୀତିରେ ଲମ୍ବା ଇନିସିଂ ଖେଳିଥିବା କଂଗ୍ରେସର ଏହି ଭେଟେରାନ ରାଜନେତା 2004 ରୁ 2014 ପର୍ଯ୍ୟନ୍ତ କଂଗ୍ରେସ ନେତୃତ୍ବାଧୀନ ‘ୟୁପିଏ’ ସରକାରରେ ପ୍ରଧାନମନ୍ତ୍ରୀ ଥିଲେ । ଚଳିତବର୍ଷ ଏପ୍ରିଲରେ ସେ ରାଜ୍ୟସଭା ସାଂସଦ ପଦରୁ ଅବସର ନେବା ସହ ବାର୍ଦ୍ଧକ୍ୟଜନିତ କାରଣରୁ ସକ୍ରିୟ ରାଜନୀତିରୁ ମଧ୍ୟ ଅବସର ନେଇଥିଲେ ।

#WATCH | Delhi | The mortal remains of former Prime Minister #DrManmohanSingh being taken from his residence for AICC headquarters.

The mortal remains will be kept at AICC headquarters for the party workers to pay their last respects. pic.twitter.com/iD5JYG102s

— ANI (@ANI) December 28, 2024

ସଂକ୍ଷେପରେ ମନମୋହନ ସିଂହ:

• 1991ରେ ପ୍ରଥମ ଥର ରାଜ୍ୟସଭାକୁ ନିର୍ବାଚିତ
• 1991ରୁ 1996ରେ ତତ୍କାଳୀନ ପ୍ରଧାନମନ୍ତ୍ରୀ ନରସିଂହା ରାଓ ସରକାରରେ ଅର୍ଥମନ୍ତ୍ରୀ
• 2004 ରୁ 2014 ପର୍ଯ୍ୟନ୍ତ କଂଗ୍ରେସ ନେତୃତ୍ବାଧୀନ ‘ୟୁପିଏ’ ସରକାରରେ ପ୍ରଧାନମନ୍ତ୍ରୀ
• 2024 ଏପ୍ରିଲରେ ରାଜ୍ୟସଭା ସାଂସଦ ପଦରୁ ଅବସର ନେବା ସହ ବାର୍ଦ୍ଧକ୍ୟଜନିତ କାରଣରୁ ସକ୍ରିୟ ରାଜନୀତିରୁ ଅବସର ନେଇଥିଲେ