୪୫ ବର୍ଷରେ ପ୍ରଥମ: ୨୦୨୪ ରେ ଦିନିକିଆ ଖେଳିବାରେ ବିଫଳ ଟିମ୍ ଇଣ୍ଡିଆ, ଜିତି ପାରିଲାନି ଗୋଟିଏ ବି ସିରିଜ

୨୦୨୪ ରେ ଟିମ୍ ଇଣ୍ଡିଆର ପ୍ରଦର୍ଶନ, ସାଜିଲା T20 ବିଶ୍ୱକପ ବିଜେତା ହେଲେ ଗୋଟିଏ ବି ଦିନିକିଆ ସିରିଜ ଜିତିପାରିଲାନି ।

ହାଇଦ୍ରାବାଦ: ରୋହିତ ଶର୍ମା ଅଧିନାୟକତ୍ୱରେ ଟିମ ଇଣ୍ଡିଆର ପ୍ରଦର୍ଶନ ୨୦୨୪ରେ ମିଶ୍ରିତ ରହିଥିବା ଦେଖିବାକୁ ମିଳିଛି । ଭାରତୀୟ କ୍ରିକେଟ ଟିମ ଓ୍ବେଷ୍ଟଇଣ୍ଡିଜ ଓ ୟୁଏସଏରେ ଆୟୋଜିତ ଟି-୨୦ ବିଶ୍ୱକପ ଜିତି ଇତିହାସ ରଚିଛି, କିନ୍ତୁ ଚଳିତବର୍ଷ ଟିମ ଇଣ୍ଡିଆକୁ ଅପ୍ରତ୍ୟାଶିତ ଅସଫଳର ବି ସାମ୍ନା କରିବାକୁ ପଡିଛି ।

• ଗୋଟିଏ ବି ଦିନିକିଆ ସିରିଜ ଜିତିନି ଭାରତ

ଏହାମଧ୍ୟରୁ ସବୁଠୁ ଚକିତ କଲା ଭଳି ଫଳାଫଳ ରହିଛି ୨୦୨୪ ରେ ଟିମ୍‌ ଇଣ୍ଡିଆ ଗୋଟିଏ ବି ODI ସିରିଜ ଜିତି ପାରିନାହିଁ । ଏଭଳି ଘଟଣା ଶେଷଥର ପାଇଁ ୧୯୭୯ରେ ଦେଖିବାକୁ ମିଳିଥିଲା । ୧୯୭୪ରୁ ଭାରତ ଦିନିକିଆ ମ୍ୟାଚ ଖେଳିବା ଆରମ୍ଭ କରିଥିବା ବେଳେ ଏଭଳି ଘଟଣା ଚତୁର୍ଥ ଥର ପାଇଁ ଦେଖିବାକୁ ମିଳିଛି, ଦୀର୍ଘ ୪୫ ବର୍ଷ ପରେ ଭାରତୀୟ ଟିମ ଚଳିତ ବର୍ଷ ଗୋଟିଏ ବି ଦିନିକିଆ ଅନ୍ତର୍ଜାତୀୟ ମ୍ୟାଚରେ ଜିତ ହାସଲ କରିପାରିନାହିଁ ।

🎉 HISTORY MADE! 🇱🇰 Sri Lanka defeats India by 110 runs, clinching the ODI series 2-0! This marks our first ODI series victory against India since 1997! 🦁 A phenomenal team effort. What a moment for Sri Lankan cricket! #SLvIND pic.twitter.com/UY842zKoTb

— Sri Lanka Cricket 🇱🇰 (@OfficialSLC) August 7, 2024

୨୦୨୪ରେ ଦିନିକିଆ ମ୍ୟାଚରେ ଭାରତର ପ୍ରଦର୍ଶନ ସେତେଟା ଆଶାନ୍ବିତ ନଥିଲା । ରୋହିତଙ୍କ ଅଧିନାୟକତ୍ୱରେ ଟିମ ଅଗଷ୍ଟ ମାସରେ ଶ୍ରୀଲଙ୍କାରେ ୩ଟି ମ୍ୟାଚ ବିଶିଷ୍ଟ ଓ୍ବାନଡେ ସିରିଜ ଖେଳିଥିଲା । କେବଳ ଗୋଟିଏ ମ୍ୟାଚ ଟାଇ ରହିଥିବା ବେଳେ ଆଉ ୨ ଟି ମ୍ୟାଚରେ ପରାଜୟ ହୋଇ ୨-୦ରେ ସିରିଜ ହରାଇଥିଲା ଟିମ୍ ଇଣ୍ଡିଆ । ୧୯୯୭ ପରେ ପ୍ରଥମ ଥର ପାଇଁ ଶ୍ରୀଲଙ୍କା ଭାରତ ବିପକ୍ଷରେ ଦ୍ୱିପାକ୍ଷିକ ଦିନିିକିଆ ସିରିଜରେ ବିଜୟ ହାସଲ କରିଥିଲା ।

• ଇଣ୍ଡିଆ ଟିମ ପାଇଁ ଚ୍ୟାଲେଞ୍ଜିଂ ଥିଲା ୨୦୨୪

ଅଧିନାୟକ ଭାବେ ରୋହିତ ଶର୍ମାଙ୍କ ପାଇଁ ଚଳିତ ବର୍ଷ ବେଶ ଆହ୍ବାନଭରା ରହିଥିଲା । ଏହି ବର୍ଷ ଟିମ୍ ନାଁରେ ୨ଟି ଅଲୋଡା ରେକର୍ଡ ଯୋଡି ହୋଇଛି । ୨୦୨୪ ରେ ଭାରତ ନା କେବଳ ଗୋଟିଏ ବି ଦିନିକିଆ ସିରିଜ ଜିତିବାରେ ବିଫଳ ରହିଲା, ଆଉ ମଧ୍ୟ ୯୨ ବର୍ଷ ପରେ ନ୍ୟୁଜିଲାଣ୍ଡ ବିପକ୍ଷରେ ଘରୋଇ ଟେଷ୍ଟ ସିରିଜରେ ଐତିହାସିକ କ୍ଲିନସ୍ବିପର ସାମ୍ନା କରିବାକୁ ପଡିଥିଲା । ଯେଉଁଥିରେ ମେଜବାନରେ ଆୟୋଜିତ ଘରୋଇ ସିରିଜ ଜିତିବାର ଲକ୍ଷ୍ୟରେ ପାଣି ପଶିଯାଇଥିଲା । ୨-୦ରେ ହାରି ଭାରତ ପ୍ରଥମ ଥର ନ୍ୟୁଜିଲାଣ୍ଡକୁ ଟେଷ୍ଟ ସିରିଜରେ କ୍ଲିନ୍‌ ସ୍ବିପ କରିବାର ମୌକା ଦେଇଥିଲା ।

Sri Lanka win the Third ODI and the series 2-0.

Scorecard ▶️ https://t.co/Lu9YkAmnek#TeamIndia | #SLvIND pic.twitter.com/ORqj6aWvRW

— BCCI (@BCCI) August 7, 2024

ଅନ୍ୟପଟେ ଆୟରଲ୍ୟାଣ୍ଡ ଓ ଜିମ୍ବାଓ୍ବେ ୨୦୨୪ ରେ ସୀମିତ ଦିନିକିଆ ସିରିଜ ଖେଳି ମଧ୍ୟ ଅତିକମରେ ଗୋଟିଏ ଲେଖାଁଏ ବିଜୟ ହାସଲ କରିବାରେ ସଫଳ ହୋଇଥିଲେ । ଆୟରଲ୍ୟାଣ୍ଡ ୫ଟି ଦିନିକିଆ ଖେଳିଥିବା ବେଳେ ସେଥିରେ ଗୋଟିଏ ସିରିଜ ଜିତିଥିଲା । ସେହିପରି ଜିମ୍ବାଓ୍ବେ ୬ଟି ମ୍ୟାଚରୁ ଗୋଟିଏରେ ବିଜୟୀ ହୋଇଥିଲା । ଚଳିତ ବର୍ଷ ଦକ୍ଷିଣ ଆଫ୍ରିକାର ପ୍ରଦର୍ଶନ ବେଶ ଭଲ ରହିଥିଲା । ଦକ୍ଷିଣ-ଆଫ୍ରିକା ୬ଟି ଓ୍ବାନ-ଡେ ଖେଳିଥିବା ବେଳେ ୩ଟିରେ ବିଜୟୀ ହୋଇଥିଲା ।

ଏହାମଧ୍ୟ ପଢନ୍ତୁ...

ଏହାପୂର୍ବରୁ ଭାରତ ୧୯୭୪, ୧୯୭୬ ଓ ୧୯୭୯ରେ ବର୍ଷ ତମାମ ଗୋଟିଏ ବି ଦିନିକିଆ ସିରିଜ ନିଜ ନାଁରେ କରିପାରିନଥିଲା । ଅନ୍ୟପଟେ ଚଳିତ ବର୍ଷ T-20ରେ ଉଲ୍ଲେଖନୀୟ ସଫଳତା ହାସଲ କରିଛି ଇଣ୍ଡିଆ । 17 ବର୍ଷ ଅପେକ୍ଷାର ଅନ୍ତ ଘଟାଇ ରୋହିତ ଶର୍ମାଙ୍କ ନେତୃତ୍ବରେ T-20 ବିଶ୍ବକପ ହାତେଇଛି ଟିମ୍‌ । ଫାଇନାଲରେ ଦକ୍ଷିଣ ଆଫ୍ରିକାକୁ 7 ରନରେ ହରାଇ ଚାମ୍ପିୟନ ସାଜିଥିଲା ଭାରତ ।

2024ରେ ଦିନିକିଆ ମ୍ୟାଚରେ ସମସ୍ତ ଟିମର ରେଜଲ୍ଟ

ଟିମ	ମ୍ୟାଚ୍	ବିଜୟ	ପରାଜୟ	ଡ୍ର	ଟାଇ	ନୋ ରେଜଲ୍ଟ
ଆଫଗାନିସ୍ତାନ	୧୪	୮	୫	୦	୦	୧
ଅଷ୍ଟ୍ରେଲିଆ	୧୧	୭	୪	୦	୦	୦
ବାଂଲାଦେଶ	୯	୩	୬	୦	୦	୦
କାନାଡା	୧୫	୮	୭	୦	୦	୦
ଇଂଲଣ୍ଡ	୮	୩	୫	୦	୦	୦
ଭାରତ	୩	୦	୨	୦	୧	୦
ଆୟରଲ୍ୟାଣ୍ଡ୍	୫	୧	୪	୦	୦	୦
ନାମିମ୍ବିଆ	୧୨	୫	୭	୦	୦	୦
ନେପାଳ	୧୪	୫	୮	୦	୦	୦

ନେଦରଲ୍ୟାଣ୍ଡ	୧୨	୭	୫	୦	୦	୦
ନ୍ୟୁଜିଲାଣ୍ଡ୍	୩	୦	୨	୦	୦	୧
ଓମାନ	୧୧	୬	୪	୦	୦	୧
ପାକିସ୍ତାନ	୯	୭	୨	୦	୦	୦
ସ୍କଟଲ୍ୟାଣ୍ଡ୍	୧୧	୬	୩	୦	୦	୨
ଦକ୍ଷିଣ ଆଫ୍ରିକା	୯	୩	୬	୦	୦	୦
ଶ୍ରୀଲଙ୍କା	୧୮	୧୨	୩	୦	୧	୨
ୟୁଏଇ	୧୧	୨	୯	୦	୦	୦
ଆମେରିକା	୧୨	୮	୪	୦	୦	୦
ଓ୍ବେଷ୍ଟଇଣ୍ଡିଜ	୧୨	୬	୬	୦	୦	୦

ଜିମ୍ବାଓ୍ବେ

୯

୧

୬

୦

୦

୨

ବ୍ୟୁରୋ ରିପୋର୍ଟ, ଇଟିଭି ଭାରତ