ବ୍ରାହ୍ମଣୀନଦୀରେ ଅଘଟଣ, ଗାଧୋଇବା ବେଳେ ବୁଡ଼ି ଗଲେ ୨ ସାଙ୍ଗ - TWO FRIENDS DROWNED TO DEATH

TWO FRIENDS DROWNED TO DEATH: ରାଉରକେଲା: ବ୍ରାହ୍ମଣୀନଦୀରେ ବୁଡି ଦୁଇ ଛାତ୍ରଙ୍କ ମୃତ୍ୟୁ । ରାଉରକେଲା ବେଦବ୍ୟାସ ଠାରେ ଥିବା ବ୍ରାହ୍ମଣୀନଦୀରେ ଗାଧୋଇବାକୁ ଯାଇଥିବା ବେଳେ ଘଟିଗଲା ଅଘଟଣ । ଗାଧୋଇବାକୁ ଯାଇ ପାଣିରେ ବୁଡିଲେ ଦୁଇ ସାଙ୍ଗ । ନଦୀକୁ ଗାଧୋଇବାକୁ ଯାଇଥିଲେ ଛଅ ଜଣ ଛାତ୍ରଛାତ୍ରୀ । ଗାଧୋଇବା ବେଳେ ଅଚାନକ ପାଣିରେ ବୁଡି ଯାଇଥିଲେ ଛଅ ଜଣ ଯାକ ଛାତ୍ରଛାତ୍ରୀ । ଅସାବଧାନତା ଯୋଗୁଁ ଘଟିଛି ଏହି ଅଘଟଣ । ଏହି ଘଟଣାରେ ଦୁଇ ଜଣ ଛାତ୍ର ମୃତ୍ୟୁ ବରଣ କରିଥିବା ବେଳେ ଚାରି ଜଣ ଅଳ୍ପକେ ବର୍ତ୍ତି ଯାଇଥିଲେ । ଚାରି ଜଣଙ୍କୁ ଆହତ ଅବସ୍ଥାରେ ରାଉରକେଲା ସରକାରୀ ମେଡ଼ିକାଲରେ ଭର୍ତ୍ତି କରାଯାଇଛି । ତେବେ ରାଉରକେଲା NITକୁ ୬ ଜଣ ଛାତ୍ରଛାତ୍ରୀ ଇଣ୍ଟର୍ଣ୍ଣସିପ ପାଇଁ ଆସିଥିଲେ । ତେବେ ଉକ୍ତ ଛାତ୍ରଛାତ୍ରୀଙ୍କ ମଧ୍ୟରୁ ମୃତ୍ୟୁ ହୋଇଥିବା ଦୁଇ ଯୁବକ ହେଉଛନ୍ତି ସମୀର ନାୟକ, ପିପିଲି ଅଞ୍ଚଳର ଏବଂ ରଜତ ସାହୁ ବାଲେଶ୍ଵର ଅଞ୍ଚଳର ବୋଲି ସୂଚନା ରହିଛି ।

ତେବେ ଅନ୍ୟ ଆହତ ଛାତ୍ରଛାତ୍ରୀ ମାନେ ହେଉଛନ୍ତି ମଲାରପଦା ଆନନ୍ଦପୁରର ସମ୍ବୋଧନ ସାହୁ, ଭୁବନେଶ୍ୱର ନୟାପଲ୍ଲ ର ଅଭିଲିପ୍ସା ପ୍ରଧାନ, ଭୁବନେଶ୍ୱର ଦୂରଦର୍ଶନ କଲୋନୀ ଅଞ୍ଚଳର ବୈଷ୍ଣ ଦେବୀ ସେଠୀ ଏବଂ ଭୁବନେଶ୍ୱର ଶିଶୁପାଳ ନଗରର ତପନ କୁମାର ପାତ୍ର । ସମସ୍ତ ଛାତ୍ର ଛାତ୍ରୀଙ୍କ ପରିବାରକୁ ପୋଲିସ ଏବଂ NIT କର୍ତ୍ତୃପକ୍ଷ ତରଫରୁ ସୂଚନା ଦିଆଯାଇଛି ଏବଂ ସେମାନେ ଆସିଲେ ଯାଇ ଦୁଇ ମୃତ ଯୁବକଙ୍କ ବ୍ୟବଚ୍ଛେଦ ହେବ ବୋଲି ଜଣାପଡିଛି ।

ଇଟିଭି ଭାରତ,ରାଉରକେଲା