ଶିମିଳିପାଳ ଅଭୟାରଣ୍ୟରେ ବାଘ ସହ ମୁହାଁମୁହିଁ, ଭୟଭୀତ ହେଲେ ପର୍ଯ୍ୟଟକ

Similipal Sanctuary:ରାଇରଙ୍ଗପୁର: ଶିମିଳିପାଳ ଅଭୟାରଣ୍ୟରେ ବାଘ ସହିତ ମୁହାଁମୁହିଁ ହୋଇ ଭୟଭୀତ ସହ ବିଭୋର ହେଲେ ପର୍ଯ୍ୟଟକ । ଗତକାଲି ମୟୂରଭଞ୍ଜ ଜିଲ୍ଲା ବାରିପଦା ସହରର ମଧୁବନ ଅଞ୍ଚଳର ଜୟନ୍ତ ନାୟକ ନାମକ ଜଣେ ବ୍ୟକ୍ତି  ପରିବାର ସହ ଶିମିଳିପାଳ ଅଭୟାରଣ୍ୟର ପ୍ରାକୃତିକ ଦୃଶ୍ୟ ଉପଭୋଗ କରିବାକୁ ଯାଇଥିଲେ । ତେବେ ଶିମିଳିପାଳ ଅଭୟାରଣ୍ୟର ବିଭିନ୍ନ ସ୍ଥାନ ବୁଲାବୁଲି ସାରିଲା ବେଳକୁ ରାତି ହୋଇ ଯାଇଥିଲା । ଅଭୟାରଣ୍ୟ ସ୍ଥିତ ଚହଲା ବିଟରୁ ପିଠାବଟା ଦେଇ ଘରକୁ ଫେରୁଥିଲା ବେଳେ ବାଟରେ ଭଞ୍ଜମ ଗେଟର 3 କି.ମି ପୂର୍ବରୁ ଏକ ବାଘ ଦେଖିବାକୁ ପାଇଥିଲେ । ତେବେ ବାଘ ସହିତ ପର୍ଯ୍ୟଟକଙ୍କ ଗାଡ଼ି ସାମ୍ନସାମ୍ନି ହୋଇଥିଲା । ସେହି ରାସ୍ତାରେ ପ୍ରାୟ ଅଧଘଣ୍ଟା ପର୍ଯ୍ୟନ୍ତ ବାଘଟି ଗାଡି ସମ୍ମୁଖରେ ଚାଲିଥିଲା । ଠିକ୍ ସେହି ସମୟରେ ବାଘଟି ଏକ ବାରହାକୁ ଶିକାର କରିବାକୁ ଦୌଡି ଜଙ୍ଗଲ ମଧ୍ୟକୁ ପଳାଇ ଯାଇଥିଲା । ତେବେ ବାଘ ସହିତ ସାମ୍ନାସାମ୍ନି ହେବା ପରେ‌ ଜୟନ୍ତ ନାୟକ ବାଘଟିର ଭିଡିଓ ମୋବାଇଲ ମାଧ୍ୟମରେ ଉତ୍ତୋଳନ କରିଥିଲେ ।

ଇଟିଭି ଭାରତ, ମୟୂରଭଞ୍ଜ