ଆଡ଼ପ ମଣ୍ଡପକୁ ବିଜେ କଲେ ମହାପ୍ରଭୁ, ଅପୂର୍ବ ପହଣ୍ଡି ଦୃଶ୍ୟ ଦର୍ଶନ କରି ଭାବିବିହ୍ୱଳ ଭକ୍ତ - Lord Jagannath Adapa bije Yatra

Lord Jagannath Adapa bije Yatra ପୁରୀ: ଆଡ଼ପ ମଣ୍ଡପକୁ ବିଜେ କଲେ ମହାପ୍ରଭୁ । ମଙ୍ଗଳବାର ରାତିରେ ଜନ୍ମବେଦୀରେ ବିଜେ ହୋଇଛନ୍ତି ମହାପ୍ରଭୁ । ମଙ୍ଗଳବାର ସନ୍ଧ୍ୟା ୭ଟା ପରେ ରଥାରୂଢ ଦାରୁବ୍ରହ୍ମଙ୍କୁ ଗୋଟି ପହଣ୍ଡିରେ ଶ୍ରୀଗୁଣ୍ଡିଚା ମନ୍ଦିରର ଆଡପ ମଣ୍ଡପରେ ବିଜେ କରାଯାଇଛି । ପ୍ରଥମେ ଚକ୍ର ରାଜ ସୁଦର୍ଶନ ପରେ ପ୍ରଭୁ ବଳଭଦ୍ର, ଦେବୀ ସୁଭଦ୍ରା ଓ ଶେଷରେ ମହାପ୍ରଭୁ ଶ୍ରୀ ଜଗନ୍ନାଥଙ୍କ ଆଡ଼ପ ମଣ୍ଡପ ବିଜେ ନୀତି ଅନୁଷ୍ଠିତ ହୋଇଥିଲା । ବଳଭଦ୍ରଙ୍କ ପହଣ୍ଡି ବିଜେ ସମୟରେ ଅଘଟଣ ଘଟିଥିବା ବେଳେ ଅନ୍ୟ ନୀତିକାନ୍ତିଗୁଡିକ ସୁରୁଖୁରରେ ହୋଇଛି । 

ସେପଟେ ଏହି ଅପୂର୍ବ ପହଣ୍ଡି ଦୃଶ୍ୟ ଦର୍ଶନ କରି ଭାବବିହ୍ୱଳ ହେଲେ ଅଗଣିତ ଶ୍ରଦ୍ଧାଳୁ । ଏନେଇ ଭକ୍ତ କହିଛନ୍ତି," ମହାପ୍ରଭୁ ଇଛା ଯୋଗୁ ଆମେ ଆଜି ଆଡ଼ପ ମଣ୍ଡପ ବିଜେ ନୀତି ଦର୍ଶନ କଲୁ । ଏହା ଦ୍ବାରା ଆମେ ନିଜକୁ ଧନ୍ୟ ମନେ କରୁଛୁ। ପ୍ରଭୁ ସାରା ବିଶ୍ଵର ମଙ୍ଗଳ କରନ୍ତୁ ।" 

ଆଜି ମହାପ୍ରଭୁ ବିଭିନ୍ନ ନୀତି ଅନୁଷ୍ଠିତ ହେବା ପରେ ଆଡ଼ପ ଦର୍ଶନ ଆରମ୍ଭ ହେବ। ଏଥି ସହ ଆଡ଼ପ ଅବଢ଼ା ଭକ୍ତମାନେ ପାଇବେ। ଯାହାକୁ ଭକ୍ତମାନେ ଅତି ଉତ୍କଣ୍ଠାର ସହ ଅପେକ୍ଷା କରି ରହିଛନ୍ତି ।

ଇଟିଭି ଭାରତ, ପୁରୀ