ପଖାଳ ଦିବସ ପାଳିଲା ସହିଦନଗର ଦୁର୍ଗା ପୂଜା ସମିତି, ଏକାଠି ଖାଇଲେ ରାଜଧାନୀବାସୀ

Pakhala Divas Celebrated in Bhubaneswar : ଭୁବନେଶ୍ବର: ସହିଦ ନଗର ଦୁର୍ଗା ପୂଜା ସମିତି ପକ୍ଷରୁ ପାଳନ ହେଲା ପଖାଳ ଦିବସ  । ଏକାଠି ଖାଇଲେ ୭୦୦ ଲୋକେ । ପଖାଳ ଯାହା ପ୍ରତି ଓଡ଼ିଆଙ୍କ ପ୍ରିୟର ଖାଦ୍ୟ। ଖରା ହେଉ କି ବର୍ଷା, ଓଡ଼ିଆର ମନ ଲୋଡେ ପଖାଳ କଂସା । ପଖାଳ ହେଉଛି ଓଡ଼ିଆଙ୍କ ଜୀବନ ରେଖା । ସେ ଧନୀ ହେଉ ଅବା ଗରୀବ ଏହା ସମସ୍ତଙ୍କର ପ୍ରିୟ  । ପଖାଳ ଦିବସ ହୋଇଥିବାରୁ ରାଜଧାନୀରେ ଜମିଛି ପଖାଳ ଦିବସର ଆସର ।  

ସହିଦନଗର ଦୁର୍ଗା ପୂଜା ସମିତି ପକ୍ଷରୁ ପଖାଳ ସାଙ୍ଗକୁ ୩୦ ପ୍ରକାରର ବ୍ୟଞ୍ଜନ ପରସା ଯାଇଛି  ।  ତେବେ ରାଜଧାନୀରର ସବୁଠାରୁ ବଡ ପଖାଳ ଆସର ଏଠାରେ ଜମିଥିଲା । ନିରାମିଷର ସମସ୍ତ ବ୍ୟଞ୍ଜନ ସହ ୭୦୦ ରାଜଧାନୀବାସୀଙ୍କ ପାଇଁ ଏଠାରେ ପଖାଳ ଦିବସର ଆୟୋଜନ କରାଯାଇଛି । ଯେଉଁଠି ଏକାସାଙ୍ଗରେ ସମସ୍ତେ ବସି ପଖାଳର ମନ ନେଇଛନ୍ତି । ପଖାଳ ସହ ତୋରାଣି ପିଇ ବେଶ ଆତ୍ମତୃପ୍ତି ହୋଇଯାଇଛନ୍ତି ।

ଇଟିଭି ଭାରତ, ଭୁବନେଶ୍ବର