ନୂଆବର୍ଷରେ ସୁନାବେଶରେ ଦର୍ଶନ ଦେଲେ ମା' ତାରିଣୀ

କେନ୍ଦୁଝର: ନୂତନ ବର୍ଷରେ ସୁନାବେଶରେ ଦର୍ଶନ ଦେଲେ କେନ୍ଦୁଝର ଘଟଗାଁବାସିନୀ ମାଆ ତାରିଣୀ । ସକାଳର ପହିଲି କିରଣ ସହ ପାଦ ଥାପିଛି ଇଂରାଜୀ ନବବର୍ଷ ୨୦୨୫ । ନୂଆବର୍ଷ ଉପଲକ୍ଷେ ଲୋକଙ୍କ ମନରେ ନୂତନ ଆଶା ଆକାଂକ୍ଷା ଭରି ରହିଛି । ନୂତନ ବର୍ଷ ଶୁଭମୟ ହେବା ସହ ବର୍ଷସାରା ନିଜର ସୁଖମୟ ଜୀବନ ପାଇଁ ଦେବାଳୟରେ ଲାଗିଛି ଭିଡ । କେନ୍ଦୁଝର ଜିଲ୍ଲାର ଆରାଧ୍ୟ ଦେବୀ ମାଆ ତାରିଣୀଙ୍କ ପୀଠରେ ସକାଳୁ ଭକ୍ତଙ୍କ ପ୍ରବଳ ଭିଡ଼ ଲାଗି ରହିଛି । ନୂତନ ବର୍ଷ ଦର୍ଶନ ପାଇଁ ମଧ୍ୟ ମନ୍ଦିର ଟ୍ରଷ୍ଟ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।
 

ଆଜି ଭୋର ୩ଟାରୁ ଦେହୁରୀମାନଙ୍କ ଦ୍ଵାରା ମାଆଙ୍କ ସ୍ୱତନ୍ତ୍ର ପୂଜା ନୀତି କରାଯାଇଛି । ନୂତନ ବର୍ଷ ପାଇଁ ମାଆଙ୍କ ସୁନାବେଶ କରାଯାଇଛି । ସୁନାବେଶରେ ମାଆଙ୍କ ଦର୍ଶନ ପାଇ ଭକ୍ତ ଖୁସି ପ୍ରକଟ କରିବା ସହ ନିଜ ପରିବାର ପାଇଁ ସୁଖ ସମୃଦ୍ଧି କାମନା କରିଛନ୍ତି । ସକାଳୁ ଲକ୍ଷାଧିକ ଭକ୍ତଙ୍କ ଭିଡ଼କୁ ଦେଖି ମନ୍ଦିର ଟ୍ରଷ୍ଟ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ସହ କଡ଼ାକଡ଼ି ଦର୍ଶନ ବ୍ୟବସ୍ଥା ଗ୍ରହଣ କରାଯାଇଛି । ମନ୍ଦିର ଟ୍ରଷ୍ଟ ପକ୍ଷରୁ ନଡ଼ିଆ ଲଡୁ ବ୍ୟବସ୍ଥା କରାଯାଇଛି । ନୂତନ ବର୍ଷ ପାଇଁ କେନ୍ଦୁଝର ଜିଲ୍ଲାର ଆରାଧ୍ୟ ଦେବତା ଶ୍ରୀ ବଳଦେବଜିଉଙ୍କ ମନ୍ଦିରରେ ମଧ୍ୟ ଦର୍ଶନ ପାଇଁ ଭିଡ଼ ପରିଲକ୍ଷିତ ହୋଇଛି ।
 

ଏହା ମଧ୍ୟ ପଢ଼ନ୍ତୁ...ଘଟଗାଁ ତାରିଣୀ ପୀଠରେ ମହାଷ୍ଟମୀ, ସୁନାବେଶରେ ଦିବ୍ୟ ଦର୍ଶନ ଏହା ମଧ୍ୟ ପଢ଼ନ୍ତୁ...ଘଟଗାଁ ତାରିଣୀ ମନ୍ଦିରରେ ଅଘଟଣ, ଦୀପରୁ ନିଆଁ ଲାଗି ମହିଳା ଗୁରୁତର

ଇଟିଭି ଭାରତ, କେନ୍ଦୁଝର