ଲୋକସଭା ନିର୍ବାଚନ 2024; ଭୋଟ ଦେଲେ ସାଉଥ୍ ଷ୍ଟାର ସୂରିୟା-ଥାଲାପତି ବିଜୟ - Lok Sabha Election 2024

Lok Sabha Election 2024: ହାଇଦ୍ରାବାଦ: ଆଜି ଲୋକସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ଜାରି ରହିଛି। ସକାଳ ୭ଟାରୁ ମତଦାନ ଆରମ୍ଭ ହୋଇଥିବା ବେଳେ ସନ୍ଧ୍ୟା ୬ଟାରେ ଶେଷ ହେବ । ୨୧ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୧୦୨ଟି ଆସନ ପାଇଁ ଭୋଟ ଗ୍ରହଣ ଆରମ୍ଭ ହୋଇଥିବା ବେଳେ ପ୍ରଥମ ପର୍ଯ୍ୟାୟରେ ତାମିଲନାଡୁରେ ସର୍ବାଧିକ ୩୯ଟି ଆସନରେ ନିର୍ବାଚନ ଅନୁଷ୍ଠିତ ହୋଇଛି । ଯାହା ପାଇଁ ତାମିଲନାଡ଼ୁରେ ବର୍ତ୍ତମାନ ମତଦାନ ପାଇଁ ବୁଥରେ ଭୋଟରଙ୍କ ଭିଡ଼ ଦେଖିବାକୁ ମିଳିଛି । ଏହି ପରିପ୍ରେକ୍ଷୀରେ ସାଉଥ ସେଲିବ୍ରିଟି ସୂରିୟା, ଥାଲାପତି ବିଜୟ, ବିଜୟ ସେଥୁପତି, ତ୍ରିଶା କ୍ରିଷ୍ଣନ ଏବଂ ବିକ୍ରମ ଚିୟାନ ଭଳି ତାରକା ଭୋଟ ଦେଇଛନ୍ତି । ଏହା ପୂର୍ବରୁ ସକାଳେ ସାଉଥ ସୁପରଷ୍ଟାର ରଜନୀକାନ୍ତ ଏବଂ ଅଭିନେତା ଧନୁଷ, ଅଜିତ କୁମାର ଭଳି ତାରକା ଭୋଟ୍ ଦେଇଥିଲେ । ସମସ୍ତ ତାରକା ଗଣତନ୍ତ୍ରର ଏହି ମହାନ ପର୍ବରେ ସାମିଲ ହୋଇଥିବା ବେଳେ ଫ୍ୟାନ୍ସଙ୍କୁ ମଧ୍ୟ ଭୋଟ ଦେବାକୁ ଅନୁରୋଧ କରିଛନ୍ତି । 

ଏହା ମଧ୍ୟ ପଢନ୍ତୁ: ତାମିଲନାଡୁ ନିର୍ବାଚନରେ ଭୋଟ ଦେଲେ ସାଉଥ ସେଲିବ୍ରିଟି, ମତଦାନ କରିବାକୁ ଫ୍ୟାନ୍ସଙ୍କୁ ଅପିଲ୍

ବ୍ୟୁରୋ ରିପୋର୍ଟ, ଇଟିଭି ଭାରତ