ବାଙ୍ଗିରିପୋଷିରୁ କଲରାପତରିଆ ବାଘ ଛାଲ ଜବତ, ୩ ଗିରଫ

Leopard Skin Seized:ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ରେଞ୍ଜ ଅନ୍ତର୍ଗତ ବାଲିଖୋଣି ଗାଁରେ ଏକ କଲରାପତରିଆ ବାଘ ଛାଲ ଜବତ କରିଛି ବନବିଭାଗ । ଏଥିସହ ୩ ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଜଣେ ଅଭିଯୁକ୍ତ ଫେରାର ହୋଇ ଯାଇଥିବା ସୂଚନା ରହିଛି । ବନ ବିଭାଗ କୌଣସି ସୂତ୍ରରୁ ବାଘ ଛାଲ ବିକ୍ରି ହେଉଥିବାର ଖବର ପାଇ ବାଲିଖଣି ଗାଁରେ ଚଢ଼ାଉ କରିଥିଲେ । ୪ ଜଣ ବ୍ୟବସାୟୀ ୨ଟି ବାଇକରେ ଜଙ୍ଗଲରୁ ବାଘ ଛାଲ ନେଇ ବିକ୍ରି କରିବା ପାଇଁ ଯାଉଥିବା ବେଳେ ବନ ବିଭାଗ ଅତର୍କିତ ଭାବେ ଚଢ଼ାଉ କରିଥିଲା ଏବଂ ୩ ଜଣ ବ୍ୟକ୍ତିଙ୍କୁ ଗିରଫ କରିଥିଲା । କିନ୍ତୁ ଅନ୍ୟ ଜଣେ ବନବିଭାଗ କର୍ମଚାରୀଙ୍କୁ ଚକମା ଦେଇ ଫେରାର ହୋଇଯାଇଥିଲେ । ଗିରଫ ବ୍ୟକ୍ତିମାନଙ୍କ ଠାରୁ ଗୋଟିଏ କଲରାପତରିଆ ବାଘ ଛାଲ ଜବତ କରାଯାଇଛି । ତେବେ ଏହି ବାଘକୁ କେଉଁଠି ଶିକାର କରାଯାଇଛି ଏବଂ ଏଥିରେ ଅନ୍ୟ କେଉଁମାନଙ୍କର ସମ୍ପୃକ୍ତି ରହିଛି, ସେନେଇ ଉଚ୍ଚ ପଦସ୍ଥ ଅଧିକାରୀ ତଦନ୍ତ କରୁଛନ୍ତି ।

ଏହା ମଧ୍ୟ ପଢ଼ନ୍ତୁ...ବନ୍ୟଜନ୍ତୁଙ୍କ ପ୍ରତି ହିଂସ୍ର ହେଉଛି ମଣିଷ ! କଲରାପତରିଆ ବାଘ ଛାଲ ସହ ଖପୁଡି ଓ ମେରୁଦଣ୍ଡ ଜବତ - Leopard Skin Seized ଏହା ମଧ୍ୟ ପଢ଼ନ୍ତୁ...ଚାଲିଥିଲା ବାଘଛାଲ ଡିଲ୍‌, ଠିକଣା ସମୟରେ ମାଡି ବସିଲା ବନ ବିଭାଗ - TIGER SKIN SEIZED in nuapada

ଇଟିଭି ଭାରତ, ମୟୂରଭଞ୍ଜ