କୋଇଲା ବ୍ୟବସାୟୀଙ୍କ ଘରେ ଆୟକର ବିଭାଗର ଚଢ଼ାଉ, ତିନିଦିନ ଧରି ଚାଲିଛି ରେଡ୍‌

IT Raid In Sundargarh:ରାଉରକେଲା: ବିଶିଷ୍ଟ କୋଇଲା ବ୍ୟବସାୟୀ ଘନଶ୍ୟାମ ଡାଲମିୟାଙ୍କ ବିଭିନ୍ନ ଠିକଣାରେ ଆୟକର ବିଭାଗର ଚଢ଼ାଉ । ସୁନ୍ଦରଗଡ଼ ଜିଲ୍ଲା ସମେତ ରାଜ୍ୟ ଏବଂ ରାଜ୍ୟ ବାହାରେ ଚାଲିଛି ଏକ ବିଶାଳ ଆୟକର ଚଢ଼ାଉ । ଏକ ସାଙ୍ଗରେ ମୋଟ ୩୦ଟି ସ୍ଥାନରେ ତିନି ଦିନ ଧରି ଚାଲିଛି ମାରାଥନ ଚଢ଼ାଉ । ବ୍ୟାପକ ମାତ୍ରାରେ ଟିକସ ଫାଙ୍କିବା ଅଭିଯୋଗ ହେବା ପରେ ଚାଲିଛି ଚଢ଼ାଉ । ଓଡ଼ିଶା, ଛତିଶଗଡ଼, କଲିକତା ଓ ମହାରାଷ୍ଟ୍ରରେ ଚାଲିଛି ଏକକାଳୀନ ରୋଡ । ଚଢ଼ାଉ କରି ଆୟକର ବିଭାଗ ବ୍ୟାପକ ଟିକସ ଫାଙ୍କିଥିବା ସମ୍ପତି ଜବତ କରିଥିବା ବିଶେଷ ସୁତ୍ରରୁ ଜଣାପଡ଼ିଛି ।

ବିଶିଷ୍ଟ କୋଇଲା ବ୍ୟବସାୟୀ ଘନଶ୍ୟାମଙ୍କ ବିଭିନ୍ନ ଠିକଣାରେ ଆଜିକୁ ତିନିଦିନ ହେବ ଚଢାଉ ଜାରି ରହିଛି । ସୁନ୍ଦରଗଡ଼ ଜିଲ୍ଲାର ବିଭିନ୍ନ ସ୍ଥାନ ଓ ଛତିଶଗଡ଼ରେ ଘନଶ୍ୟାମଙ୍କ କୋଇଲା ବ୍ୟବସାୟ ରହିଛି । ଘନଶ୍ୟାମଙ୍କ ଏମସିଏଲ କୋଇଲା ଖଣିରେ ଥିବା କୋଇାଲା ପରିବହନ ସାଇଟ୍, ଛତିଶଗଡ଼ ରାଏଗଡ଼ରେ ଥିବା ଆଇରନ, ଷ୍ଟିଲ ଓ ପାୱାର ପ୍ଲାଂଟ ଫ୍ୟାକ୍ଟ୍ରୀ ଓ ଘର ସହ ଛତିଶଗଡ଼ ରାୟପୁରରେ ଥିବା ଘର, ଅଫିସ ଏବଂ ବିଳାସପୁରରେ ଥିବା ହୋଟେଲରେ ମଧ୍ୟ ଚଢ଼ାଉ ହୋଇଛି । ତେବେ କୋଇଲା ବ୍ୟବସାୟୀ ଘନଶ୍ୟାମଙ୍କ ଓଡ଼ିଶା, ଛତିଶଗଡ଼, ମୁମ୍ବାଇ, ମଧ୍ୟପ୍ରଦେଶର ବିଭିନ୍ନ ସ୍ଥାନରେ କୋଇଲା ବ୍ୟବସାୟ ଓ ହୋଟେଲ ରହିଛି । ରାଉରକେଲା ସହରର ଉଦିତନଗର ଠାରେ ଇନକମ ଟ୍ୟାକ୍ସ ବିଭାଗ ମେଟ୍ରୋ କମ୍ପ୍ଲେକ୍ସର ଦୁଇଟି ଅଫିସରେ ଏବଂ ନାରାୟଣୀ ରେସିଡେନ୍ସି ବିଲ୍ଡିଂ ର ଘରେ ଏବଂ ରାଜଗାଙ୍ଗପୁରରେ ଏକ କାଳୀନ ଚାଲିଛି ଚଢ଼ାଉ । ତେବେ ରାଉରକେଲାରେ ତାଙ୍କର ବ୍ୟବସାୟ ପାର୍ଟନର ନନ୍ଦ କିଶୋର ଅଗ୍ରୱାଲଙ୍କ ଅଫିସରେ ମଧ୍ୟ ଚଢ଼ାଉ ଚାଲିଛି । ବିଶେଷ ସୁତ୍ରରୁ ସୂଚନା ଅନୁସାରେ, ରାଉରକେଲା ସହରର ବର୍ତ୍ତମାନ ସୁଦ୍ଧା କୋଟି କୋଟି ଟଙ୍କାର ଜମି ଓ ସୁନା ଅଳଙ୍କାର ସହ ବ୍ୟାପକ ଟିକସ ଫାଙ୍କିଥିବା ସୂଚନା ହସ୍ତାଗତ ହୋଇଛି । ଚଢ଼ାଉ ଶେଷ ହେବା ପରେ ହିଁ କେତେ ଟଙ୍କାର ଧନ ସମ୍ପତ୍ତି ଏବଂ ଟିକସ ଫାଙ୍କି କରାଯାଇଛି ତାହା ସ୍ପଷ୍ଟ ହେବ।  

ଏହା ମଧ୍ୟ ପଢ଼ନ୍ତୁ.....ସୁନ୍ଦରଗଡ କୋଇଲା ବ୍ୟବସାୟୀଙ୍କ ଘରେ ଆୟକର ବିଭାଗର ଚଢ଼ାଉ

ଇଟିଭା ଭାରତ, ସୁନ୍ଦରଗଡ଼