ଜୟୀରାମଙ୍କୁ ଜୀବନବ୍ୟାପୀ ସାଧନା ସମ୍ମାନ, ETV Bharatରେ ଜଣାଇଲେ ମନର ବେଦନା

Lifetime Achievement Award: ଭୁବନେଶ୍ବର: ଆୟୋଜିତ ହୋଇଯାଇଛି ରାଜ୍ୟ ଚଳଚ୍ଚିତ୍ର ପୁରସ୍କାର କାର୍ଯ୍ୟକ୍ରମ  । ଏହି ଅବସରରେ ଅନନ୍ତ ମହାପାତ୍ର, ଶ୍ରୀନିବାସ ମହାପାତ୍ର ଓ ଜୟୀରାମ ସାମଲଙ୍କୁ 'ମୋହନ ସୁନ୍ଦର ଦେବ ଗୋସ୍ବାମୀ' ସମ୍ମାନରେ ସମ୍ମାନିତ କରାଯାଇଛି । ଜୟୀରାମ ସାମଲଙ୍କୁ ଜୀବନବ୍ୟାପୀ ସାଧନା ସମ୍ମାନରେ ସମ୍ମାନିତ କରାଯାଇଛି । ସେ 'ଜୟୀ' ନାମରେ ବେଶ ଜଣାଶୁଣା  । ଅନେକ ଓଡ଼ିଆ ଚଳଚ୍ଚିତ୍ର ଦର୍ଶକଙ୍କୁ ଭେଟି ଦେଇଛନ୍ତି ଜୟୀରାମ । ତାଙ୍କର ଚମତ୍କାର ହାସ୍ୟ ଅଭିନୟ ପାଇଁ ସେ ଦର୍ଶକଙ୍କ ମନରେ ସ୍ବତନ୍ତ୍ର ସ୍ଥାନ ହାସଲ କରିପାରିଛନ୍ତି ।  

ଏହା ବି ପଢନ୍ତୁ...ରାଜ୍ୟ ଚଳଚ୍ଚିତ୍ର ପୁରସ୍କାର ପ୍ରଦାନ: ଅନନ୍ତ-ଶ୍ରୀନିବାସ-ଜୟୀରାମଙ୍କୁ ଜୀବନ ବ୍ୟାପୀ ସାଧନା ସମ୍ମାନ

ସମ୍ମାନିତ ହେବା ପରେ ଇଟିଭି ଭାରତକୁ ପ୍ରତିକ୍ରିୟାରେ ଜୟୀରାମ କହିଛନ୍ତି, "ଆୱାର୍ଡ ମିଳିବାରେ ବିଳମ୍ବ ହୋଇଛି । ଅନେକ ମୋତେ ପ୍ରଶ୍ନ କରନ୍ତି । ମୁଁ ସେସବୁ କଷ୍ଟ ମୋ ମନରେ ଚାପି ରଖିଥିଲି । ଆଜି ଏହି ସମ୍ମାନ ମିଳିଥିବାରୁ ମୁଁ ବହୁତ ଖୁସି । ଏତେ ଦିନ ପରେ ମୋ କଳାକୁ ଚିହ୍ନି ସମ୍ମାନିତ କରିଛନ୍ତି ।" ଏହାସହ ବର୍ତ୍ତମାନ ସମୟରେ ଓଲିଉଡରେ ଦେଖାଦେଉଥିବା ବିବାଦକୁ ସେ ନିନ୍ଦା କରିଛନ୍ତି  ।

ଇଟିଭି ଭାରତ, ଭୁବନେଶ୍ବର