ଛେଣ୍ଡିପଦାରେ ବିଜେଡିର ପ୍ରଚାର ଆରମ୍ଭ, ବିଧାୟକ ଓ ସାଂସଦ ପ୍ରାର୍ଥୀଙ୍କୁ ଜିତାଇବାକୁ ନେତା ଓ କର୍ମୀଙ୍କ ସଙ୍କଳ୍ପ - Chhendipada Assembly Constituency

BJD Campaign Begin In Chhendipada: ଅନୁଗୋଳ: ପ୍ରାର୍ଥୀ ତାଲିକା ଘୋଷଣା ପରେ ଅନୁଗୋଲ ବିଜେଡିନ ଶିବିର ଏବେ ଚଳଚଞ୍ଚଳ । ଅନୁଗୋଳ ଜିଲ୍ଲା ଛେଣ୍ଡିପଦାରେ ବିଜେଡିର ଅନୌପଚାରିକ ପ୍ରଚାର ଆରମ୍ଭ । ବିଧାୟକ ପ୍ରାର୍ଥୀ ସୁଶାନ୍ତ ବେହେରା ପ୍ରତି ପଞ୍ଚାୟତକୁ ଯାଇ କର୍ମୀ ସମ୍ମିଳନୀ କରିବା ସହ ପ୍ରଚାର ଆରମ୍ଭ କରିଛନ୍ତି । ଆଜି ବାଲିପଟା ଠାରେ ଏକ ବିଶାଳ କର୍ମୀ ସମ୍ମିଳନୀ ଅନୁଷ୍ଠିତ ହୋଇଥିଲା । ଏଥିରେ ପ୍ରାୟ ଦୁଇ ହଜାରରୁ ଅଧିକ କର୍ମୀ ଯୋଗ ଦେଇଥିଲେ । ବିଧାୟକ ପ୍ରାର୍ଥୀ ସୁଶାନ୍ତ ବେହେରା କର୍ମୀ ମାନଙ୍କୁ କିଭଳି ନିର୍ବାଚନରେ ଅଧିକରୁ ଅଧିକ ଭୋଟ ମିଳି ପାରିବ ସେଥିପାଇଁ କାମ କରିବାକୁ ପରାମର୍ଶ ଦେଇଥିଲେ । ମୁଖ୍ୟମନ୍ତ୍ରୀଙ୍କ ବିଭିନ୍ନ ଜନ ହିତକର ଯୋଜନା ସମ୍ପର୍କରେ ଲୋକଙ୍କୁ ବୁଝାଇବା ପାଇଁ କହିଥିଲେ । 

 ଏହା ମଧ୍ୟ ପଢନ୍ତୁ... ପଦ୍ମ ଛାଡ଼ି ଶଙ୍ଖ ଧରିଲେ ଭୃଗୁ ବକ୍ସିପାତ୍ର, କହିଲେ 'ମନ ମାନୁ ନଥିଲା, ଜରୁରୀ ଥିଲା ପରିବର୍ତ୍ତନ' - Bhrugu Baxipatra Joins BJD

ସମସ୍ତ କର୍ମୀ ଏକାଠି ହୋଇ ଦଳ ପାଇଁ କାମ କରିବା ସହ ଭୋଟର ମାନଙ୍କୁ ବିପୁଳ ସଂଖ୍ୟାରେ ଭୋଟ ଦେବାକୁ ନିବେଦନ କରିବା ପାଇଁ କର୍ମୀ ମାନଙ୍କୁ କହିଥିଲେ । ସମ୍ମିଳନୀରେ କର୍ମୀ ମାନଙ୍କ ମଧ୍ୟରେ ପ୍ରବଳ ଆଗ୍ରହ ଓ ଉତ୍ସାହ ଦେଖିବାକୁ ମିଳିଥିଲା । ଏହି କାର୍ଯ୍ୟକ୍ରମରେ ସ୍ଥାନୀୟ ଜିଲ୍ଲା ପରିଷଦ, ସରପଞ୍ଚ, ସମିତି ସଦସ୍ୟ ଓ ବହୁ ଦଳୀୟ ନେତା ଯୋଗ ଦେଇଥିଲେ। ଛେଣ୍ଡିପଦା ବିଧାନସଭା ନିର୍ବାଚନ ମଣ୍ଡଳୀଟି ସମ୍ବଲପୁର ଲୋକ ସଭା କ୍ଷେତ୍ରରେ ଥିବାରୁ ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କୁ ମଧ୍ୟ ବିପୁଳ ଭୋଟ ଦେବାକୁ ଉପସ୍ଥିତ ନେତାମାନେ କର୍ମୀଙ୍କୁ ବୁଝାଇ ଥିଲେ ।

ଇଟିଭି ଭାରତ, ଅନୁଗୋଳ