କଣାସରେ ଶକ୍ତି ପ୍ରଦର୍ଶନ କଲେ ବିଜେଡି ବିଧାୟକ ପ୍ରାର୍ଥୀ ସଞ୍ଜୟ ଦାସବର୍ମା - BJD CAMPAIGN IN KANAS

BJD campaign in Kanas: ନିମାପଡ଼ା: କଣାସରେ ଶକ୍ତି ପ୍ରଦର୍ଶନ କଲେ ସତ୍ୟବାଦୀ ବିଜେଡି ବିଧାୟକ ପ୍ରାର୍ଥୀ ସଞ୍ଜୟ ଦାସବର୍ମା । ବାଇକ ଶୋଭାଯାତ୍ରା କରି କଲେ ଭୋଟ ଭିକ୍ଷା । କଣାସ ବ୍ଲକର ହଜାର ହଜାର ବିଜେଡି ସମର୍ଥକ ଏହି ଶୋଭାଯାତ୍ରାରେ ନିଜକୁ ସାମିଲ କରିଥିଲେ।  ସଞ୍ଜୟଙ୍କ ଏହି ବାଇକ ଶୋଭାଯାତ୍ରାରେ ହଜାର ହଜାର ସଂଖ୍ୟାରେ ବିଜୁ ପ୍ରେମୀ ଯୋଗ ଦେଇଥିବା ବେଳେ ବିଭିନ୍ନ ସ୍ଥାନରେରେ ମହିଳା ମାନେ ସଞ୍ଜୟଙ୍କୁ ସ୍ବାଗତ କରିଥିଲେ । ସଞ୍ଜୟଙ୍କର ସତ୍ୟବାଦୀ ନିର୍ବାଚନ ମଣ୍ଡଳୀ ପାଇଁ ଟିକେଟ ଘୋଷଣା ପରେ ପ୍ରଥମେ ସତ୍ୟବାଦୀ ଓ ଆଜି କଣାସରେ ସେ ଭୋଟ ଭିକ୍ଷା କରିଛନ୍ତି।  

କଣାସ ତ୍ରିଲୋଚନପୁର ଛକ ଠାରୁ ବାଇକ ଶୋଭା ଯାତ୍ରା ବାହାରି କଣାସ ବ୍ଲକ ଓ ସହିଦଙ୍କ ସ୍କୃତି ପୀଠରେ ପୁଷ୍ପମାଲ୍ୟ ଅର୍ପଣ କରି ଆରାଧ୍ୟ୍ୟ ଦେବୀ ମା’ କୁଂଜେଶ୍ଵରୀଙ୍କ ପୀଠରେ ଆର୍ଶୀବାଦ ଲାଭ କରିଥିଲେ ସଞ୍ଜୟ। ପରେ ବାଇକ ଶୋଭାଯାତ୍ରାରେ ଜଙ୍କିଆ ଗଡ଼ ସାହି, ଭଗବତୀ ପୀଠ ଓ ପରିଶେଷରେ ଅଭିରାମ ପରମ ହଂସ ଦେବଙ୍କ ଶାନ୍ତି ଆନନ୍ଦ ଆଶ୍ରମକୁ ଯାଇ ଆର୍ଶୀବାଦ ଲାଭ କରିଥିଲେ ସଞ୍ଜୟ। ସେ କହିଛନ୍ତି, ‘‘କଣାସର ରାଜନୀତି ସହିତ ଦୁଇଦଶନ୍ଧି ଧରି ସମ୍ପର୍କ ରହିଅଛି ଓ ମୋର ବିଶ୍ବାସ କଣାସବାସୀ ମୋ ଉପରେ ବିଶ୍ୱାସ କରି ବିପୁଳ ପରିମାଣରେ ଭୋଟ ଦେଇ ବିଜେଡିକୁ ଜିତେଇବେ ।’’  

ଇଟିଭି ଭାରତ, ନିମାପଡ଼ା