ପ୍ରଚାର ମୈଦାନରେ ଅଲ ଇଣ୍ଡିଆ ଫରୱାର୍ଡ ବ୍ଲକ, ବ୍ରହ୍ମପୁରର ସମସ୍ୟା ସାଜିଛି ମୁଦ୍ଦା - Campaigning in Berhampur

Odisha Assembly Election 2024: ବ୍ରହ୍ମପୁର: ରାଜ୍ୟରେ ହେବାକୁ ଯାଉଛି ପ୍ରଥମ ପର୍ଯ୍ୟାୟ ମତଦାନ । ବ୍ରହ୍ମପୁର ଲୋକସଭା କ୍ଷେତ୍ରରେ ପ୍ରଥମ ପର୍ଯ୍ୟାୟରେ ନିର୍ବାଚନ ହେଉଥିବା ବେଳେ ଚଳିତ ଥର ମୈଦାନରେ ରହିଛନ୍ତି 11 ଜଣ ପ୍ରାର୍ଥୀ । ଏହାରି ମଧ୍ୟରେ ନେତାଜୀ ସୁବାସ ଚନ୍ଦ୍ର ବୋଷଙ୍କ ଆଦର୍ଶରେ ଅନୁପ୍ରାଣିତ ହୋଇଥିବା ଅଲ ଇଣ୍ଡିଆ ଫରୱାର୍ଡ ବ୍ଲକ ପକ୍ଷରୁ ଏଠାରେ ସାଂସଦ ପ୍ରାର୍ଥୀ ହୋଇଛନ୍ତି ସନ୍ତୋଷ କୁମାର ସାହୁ । ଅନ୍ୟପଟେ ବ୍ରହ୍ମପୁର ବିଧାନସଭା ପ୍ରାର୍ଥୀ ହୋଇଥିବା ସମିମ ବେଗମ୍ ଉଭୟ ମିଳିତ ଭାବରେ ବ୍ରହ୍ମପୁର ସହରରେ ପ୍ରଚାର କରିଛନ୍ତି ।  

ବ୍ରହ୍ମପୁର ଲୋକସଭାରେ ଚଳିତ ଥର ନିର୍ବାଚନରେ ପ୍ରଚାର ସରଗରମ ରହିଥିବା ବେଳେ ସାଧାରଣ ଜନତାଙ୍କର ନିକଟତର ହୋଇଛନ୍ତି ସନ୍ତୋଷ । ବ୍ରହ୍ମପୁରର ବିକାଶ, ଦୀର୍ଘ ବର୍ଷ ଧରି ଶାସନ କରୁଥିବା ଜନପ୍ରତିନିଧି ମାନେ କୌଣସି ବିକାଶକୁ ଗୁରୁତ୍ୱ ଦେଇ ନଥିବା ବେଳେ ଲୋକସଭା ନିର୍ବାଚନ ମଣ୍ଡଳୀର ସମସ୍ୟାର ସମାଧାନ ପ୍ରତିଶୃତି ଦେଇ ଜାରି ରଖିଛନ୍ତି ପ୍ରଚାର । ଏପରିକି ବର୍ତ୍ତମାନର ସମୟରେ ମଧ୍ୟ ଅନେକ ଉଚ୍ଚ ଶିକ୍ଷାନୁଷ୍ଠାନ ରହିଥିବା ବେଳେ ଗରୀବ ପିଲାଟି ପାଠ ପଢିବାରେ ନାନା ସମସ୍ୟାର ସମ୍ମୁଖୀନ ହେବା ସହିତ ନାରୀ ମାନଙ୍କ ସୁରକ୍ଷାର ଆହ୍ୱାନ ଦେଇ ଜାରି ରଖିଛନ୍ତି ପ୍ରଚାର । ବ୍ରହ୍ମପୁରର ସମସ୍ୟା ଓ ତାର ସମାଧାନ କରିବାର ବାର୍ତ୍ତା ନେଇ ମୈଦାନରେ ଅଲ ଇଣ୍ଡିଆ ଫରୱାର୍ଡ ବ୍ଲକର ବ୍ରହ୍ମପୁର ଲୋକସଭା ଏବଂ ବିଧାନସଭା ପ୍ରାର୍ଥୀ କଣ କହୁଛନ୍ତି ଆସନ୍ତୁ ଶୁଣିବା

ଇଟିଭି ଭାରତ, ବ୍ରହ୍ମପୁର