ಸೀತಾಫಲಕ್ಕೀಗ ರಾಯಚೂರಿನಲ್ಲಿ ಭಾರೀ ಬೇಡಿಕೆ

ರಾಯಚೂರು: ಸೀತಾಫಲಕ್ಕೀಗ ಎಲ್ಲಿಲ್ಲದ ಬೇಡಿಕೆ ಬಂದಿದೆ. ಹೇರಳ ಪೋಷಕಾಂಶಗಳ ಮಹತ್ವ ಅರಿತಿರುವ ಫಲಪ್ರಿಯರು ಈ ಹಣ್ಣಿಗಾಗಿ ಮುಗಿಬೀಳುತ್ತಿದ್ದಾರೆ. ರಾಯಚೂರಿಗೆ ಸೀತಾಫಲ ನೆರೆಯ ಆಂಧ್ರ, ತೆಲಂಗಾಣ ರಾಜ್ಯಗಳಿಂದ ಸರಬರಾಜಾಗುತ್ತಿದೆ. ಇಲ್ಲಿನ ಎಲ್ಐಸಿ ಕಚೇರಿ, ಚಂದ್ರಮೌಳೇಶ್ವರ ರಸ್ತೆ, ಗಂಜ್ ರಸ್ತೆ, ತೀನ್ ಖಂದಿಲ್ ವೃತ್ತದ ಬಳಿ  ಹಣ್ಣಿನ ಮಾರಾಟ ಜೋರಾಗಿದೆ.  ಈ ಹಿಂದೆ 1 ಕೆ.ಜಿಗೆ  20 ರಿಂದ 30 ರೂಪಾಯಿಗೆ ಸಿಗುತ್ತಿದ್ದ  ಈ ಹಣ್ಣು, ಈಗ 100 ರೂಪಾಯಿಗೆ ಏರಿಕೆ ಕಂಡಿದೆ. ಪ್ರವಾಹದ ಪರಿಣಾಮ ಈ ಬಾರಿ ರಾಯಚೂರು ಭಾಗದಲ್ಲಿ ಸೀತಾಫಲ ಬೆಳೆ ಅಷ್ಟೇನೂ ಚೆನ್ನಾಗಿಲ್ಲ. ಗ್ರಾಹಕರು ವಿವಿದೆಡೆಗಳಿಂದ ಬಂದ ಹಣ್ಣುಗಳ ಖರೀದಿಯಲ್ಲಿ ಹಿಂದೆ ಬಿದ್ದಿಲ್ಲ.