ಮರಳಿನೊಂದಿಗೆ 550 ಕೆಜಿ ಚಾಕೊಲೇಟ್‌ಗಳ ಮೂಲಕ ಪ್ರಪಂಚದ ಅತಿದೊಡ್ಡ ಸಾಂಟಾಕ್ಲಾಸ್ ರಚಿಸಿದ ಸುದರ್ಶನ್​​ ಪಟ್ನಾಯಕ್

ಪುರಿ(ಒಡಿಶಾ): ಮರಳು ಕಲಾವಿದ ಸುದರ್ಶನ್​​​​ ಪಟ್ನಾಯಕ್​​​​​​ ಅವರ ಚಾಕೊಲೇಟ್​​​​ ಸಾಂಟಾ ಕ್ಲಾಸ್​​ ವಿಶ್ವ ದಾಖಲೆಯಲ್ಲಿ ಸ್ಥಾನ ಪಡೆದಿದೆ. ಕ್ರಿಸ್ಮಸ್​ ಹಿನ್ನೆಲೆ​​​​​ ಸುದರ್ಶನ್​​ ಪಟ್ನಾಯಕ್​​ ಅವರು ಪುರಿ ಬ್ಲೂ ಫ್ಲಾಗ್​ ಬೀಚ್‌ನಲ್ಲಿ ವಿಶ್ವದ ಅತಿದೊಡ್ಡ ಚಾಕೊಲೇಟ್ ಸಾಂಟಾ ಕ್ಲಾಸ್  ರಚಿಸಿದ್ದಾರೆ.

ವಿಶ್ವವಿಖ್ಯಾತ ಮರಳು ಕಲಾವಿದ ಮತ್ತು ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತರಾಗಿರುವ ಸುದರ್ಶನ್​​ ಪಟ್ನಾಯಕ್​ ತಮ್ಮ ವಿದ್ಯಾರ್ಥಿಗಳೊಂದಿಗೆ 16,000 ಚದರ ಅಡಿ ಪ್ರದೇಶದಲ್ಲಿ ಮರಳಿನೊಂದಿಗೆ 550 ಕೆಜಿ ಚಾಕೊಲೇಟ್‌ಗಳ ಮೂಲಕ 160 ಅಡಿ ಉದ್ದ ಮತ್ತು 100 ಅಡಿ ಅಗಲದ ಸಾಂಟಾ ಕ್ಲಾಸ್‌ನ ಬೃಹತ್ ಮರಳು ಕಲೆಯನ್ನು ರಚಿಸಿದರು. 6 ಗಂಟೆಗಳ ಕಾಲ ಸಮಯ ತೆಗೆದುಕೊಂಡು ಬೀಚ್‌ನಲ್ಲಿ ಹೊಸ ವಿಶ್ವ ದಾಖಲೆ ಬರೆದರು.

ಈ ಬಗ್ಗೆ ಪಟ್ನಾಯಕ್ ಮಾತನಾಡಿ, 'ಪ್ರತಿ ವರ್ಷ ಕ್ರಿಸ್‌ಮಸ್ ಸಂದರ್ಭದಲ್ಲಿ ಮರಳು ಶಿಲ್ಪಗಳನ್ನು ರಚಿಸುತ್ತೇವೆ. ಈ ಬಾರಿ ನನ್ನ ಶಾಲಾ ವಿದ್ಯಾರ್ಥಿಗಳೊಂದಿಗೆ ಸೇರಿ ವಿಶ್ವದ ಅತಿದೊಡ್ಡ ಚಾಕೊಲೇಟ್​ ಸಾಂಟಾ ಕ್ಲಾಸ್​​ ರಚಿಸಿದ್ದೇವೆ. 16,000 ಚದರ ಅಡಿಯಲ್ಲಿ ಈ ಬೃಹತ್​​ ಮರಳು ಶಿಲ್ಪವನ್ನು ರಚಿಸಿದ್ದೇವೆ. ಇದನ್ನು ರಚಿಸಲು 6 ಗಂಟೆಗಳನ್ನು ತೆಗೆದುಕೊಂಡಿತು. ಪುರಿಯಲ್ಲಿರುವ ಬ್ಲೂ ಫ್ಲಾಗ್ ಬೀಚ್‌ಗೆ ಭೇಟಿ ನೀಡಲು ಬಂದವರು ವಿಶ್ವದ ಅತಿದೊಡ್ಡ ಸಾಂಟಾ ಕ್ಲಾಸ್ ಅನ್ನು ನೋಡಬಹುದು. ಆದ್ದರಿಂದ, ನಾವು ಈ ಸಾಂಟಾ ಕ್ಲಾಸ್ಸ್​ ಅನ್ನು ವರ್ಲ್ಡ್ ಬುಕ್ ಆಫ್ ರೆಕಾರ್ಡ್​ನಲ್ಲಿ ಇರಿಸಲು ಪ್ರಯತ್ನಿಸಿದ್ದೇವೆ. ಇಲ್ಲಿವರೆಗೆ ಚಾಕೊಲೇಟ್​ ಮತ್ತು ಮರಳಿನಿಂದ ತಯಾರಿಸಿದ ಅಂತಹ ದೊಡ್ಡ ಸಾಂಟಾ ಕ್ಲಾಸ್ ಜಗತ್ತಿನಲ್ಲಿ ​ಇಲ್ಲ" ಎಂದು ಸಂತಸ ವ್ಯಕ್ತಪಡಿಸಿದರು.

ಇದನ್ನೂ ಓದಿ: ಬದುಕಿಗೆ ಬೆಳಕಾದ ಸೌರಶಕ್ತಿ: ಜೀವನ ಹಸನಾಗಿಸಿಕೊಂಡು ಇತರರ ಬಾಳು ಬೆಳಗುತ್ತಿರುವ ಸೋಲಾರ್​ ದೀದಿಯರು!