ಹುಳಿಯಾರು ಮಾರ್ಕೆಟ್​ನಲ್ಲಿ ಸೈಕಲ್ ಟೈರ್ ಬಳಸಿ ಕೊರೊನಾ ವಿರುದ್ಧ ಹೋರಾಟ..!

ತುಮಕೂರು: ಜಿಲ್ಲೆಯ ಚಿಕ್ಕನಾಯಕನಹಳ್ಳಿಯ ಹುಳಿಯಾರಿನಲ್ಲಿ ಕೊರೊನ ವಾರಿಯರ್ಸ್ ಗ್ರೂಪ್ ನೇತೃತ್ವದಲ್ಲಿ ವ್ಯಾಪಾರಿಗಳ ಹಾಗೂ ಗ್ರಾಹಕರ ಸುರಕ್ಷತಾ ದೃಷ್ಟಿಯಿಂದ ಪ್ರತಿಯೊಬ್ಬ ವ್ಯಾಪಾರಿ, ಗ್ರಾಹಕರ ನಡುವೆ ಅಂತರ ಕಾಯ್ದುಕೊಳ್ಳಲು ಸೈಕಲ್ ಟೈರ್​​ಗಳನ್ನು ಹಾಕಲಾಗಿತ್ತು. ಗ್ರಾಹಕರಿಗೆ ಅದರೊಳಗೆ ನಿಂತುಕೊಳ್ಳುವ ವ್ಯವಸ್ಥೆ ಮಾಡಲಾಗಿತ್ತು. ಈ ಮೂಲಕ ಜಿಲ್ಲೆಯ ಜನರು ಕೊರೊನಾ ಕುರಿತು ಜಾಗೃತಿ ವಹಿಸಿದ್ದರು. ಈ ಮಾರ್ಪಾಡುಗಳಿಗೆ ಸಾರ್ವಜನಿಕರಿಂದ ಸಾಕಷ್ಟು ಪ್ರಶಂಸೆ ವ್ಯಕ್ತವಾಗಿದೆ.