Google Maps: ಜನರು ವಿಳಾಸ ಹುಡುಕುವುದಕ್ಕೆ ಗೂಗಲ್ ಮ್ಯಾಪ್ಸ್ ಮೊರೆ ಹೋಗುತ್ತಾರೆ. ಇದರ ಸಹಾಯದಿಂದ ನಾವು ಟರ್ನ್ಗಳು, ಶಾರ್ಟ್ಕಟ್ಗಳ ಮೂಲಕ ಬಹುಬೇಗ ಗಮ್ಯಸ್ಥಾನ ತಲುಪುಬಹುದು. ಯಾವುದಾದ್ರೂ ಹೊಸ ಸ್ಥಳಕ್ಕೆ ಹೋಗಬೇಕಾದ್ರೆ ಗೂಗಲ್ ಮ್ಯಾಪ್ಸ್ ಬಹು ರಸ್ತೆ ಮಾರ್ಗಗಳನ್ನು ಸೂಚಿಸುತ್ತದೆ. ಇದರ ಸಹಾಯದಿಂದ ಕಡಿಮೆ ಸಮಯದಲ್ಲಿ ಆ ಪ್ರದೇಶವನ್ನು ತಲುಪಬಹುದು.
ಇದರ ಜೊತೆಗೆ, 'Avoid Toll' ಮತ್ತು 'Avoid Highway'ಯಂತಹ ಆಯ್ಕೆಗಳನ್ನೂ ಸಹ ಬಳಸಿಕೊಂಡು ನಮ್ಮ ಪ್ರಯಾಣವನ್ನು ಮತ್ತಷ್ಟು ಸುಗಮಗೊಳಿಸಬಹುದು. ಈಗ ತಂತ್ರಜ್ಞಾನದ ಸಹಾಯದಿಂದ ಗೂಗಲ್ ಮ್ಯಾಪ್ಸ್ನಲ್ಲಿ ಹೊಸ ಫೀಚರ್ಗಳನ್ನು ತರುತ್ತಿದ್ದಾರೆ. ಇಂಥ ಅಡ್ವಾನ್ಸ್‌ಡ್ ಫೀಚರ್ನಿಂದ ಉತ್ತಮ ಪ್ರಯಾಣದ ಅನುಭವ ಪಡೆಯಬಹುದು. ಇದಲ್ಲದೇ ಗೂಗಲ್ ಮ್ಯಾಪ್ಸ್ನಲ್ಲಿ ನಮಗೆ ತಿಳಯದೇ ಇರುವ ಅನೇಕ ಫೀಚರ್ಗಳಿವೆ.
ಆಫ್ಲೈನ್ ಮ್ಯಾಪ್ಸ್ ಬಳಕೆ: ಇಂದಿಗೂ ನಮ್ಮ ದೇಶದ ಅನೇಕ ಪ್ರದೇಶಗಳಲ್ಲಿ ಸರಿಯಾದ ಇಂಟರ್ನೆಟ್ ವ್ಯವಸ್ಥೆಯಿಲ್ಲ. ಇಂಥ ಪರಿಸ್ಥಿತಿಯಲ್ಲಿ ಆಫ್ಲೈನ್ ಮ್ಯಾಪ್ಸ್ ಡೌನ್ಲೋಡ್ ಮಾಡಿಕೊಂಡು ಉಪಯೋಗಿಸುವುದರಿಂದ ನೀವು ಯಾವುದೇ ಅಡಚಣೆಯಿಲ್ಲದ ನ್ಯಾವಿಗೇಷನ್ ಪಡೆಯುತ್ತೀರಿ. ಇದಕ್ಕಾಗಿ ನೀವು ಆ್ಯಪ್ನಲ್ಲಿ ನೀವು ಎಲ್ಲಿಗೆ ಹೋಗಬೇಕೆನ್ನುವ ಸ್ಥಳವನ್ನು ಸರ್ಚ್ ಮಾಡಿ ಡೌನ್ಲೋಡ್ ಆಪ್ಷನ್ ಆಯ್ದುಕೊಳ್ಳಬೇಕು. ಈ ಫೀಚರ್ ನಿಮಗೆ ಗ್ರಾಮೀಣ ಭಾಗದಲ್ಲಿ ಮತ್ತು ಅರಣ್ಯ ಪ್ರದೇಶಗಳಲ್ಲಿ ಬಹಳ ಉಪಯುಕ್ತ.
ರಿಯಲ್ಟೈಂ ಲೊಕೇಶನ್: ಸಾಧಾರಣವಾಗಿ ನಾವು ಯಾವುದಾದ್ರೂ ಲೊಕೇಶನ್ ಸೆಟ್ ಮಾಡುಕೊಳ್ಳುವಾಗ ಪ್ರಿವ್ಯೂ ಕಾಣಿಸುತ್ತದೆ. ಇದರ ಹೊರತಾಗಿಯೂ ನೀವು ರಿಯಲ್ಟೈಂ ಲೊಕೇಶನ್ ಸ್ಥಳಗಳನ್ನು ನೋಡಲು ಬಯಿಸಿದ್ರೆ, ಅದಕ್ಕಾಗಿ ನೀವು ರೂಟ್ ಪ್ರಿವ್ಯೂ ಪಕ್ಕದಲ್ಲಿ ಇರುವ ಥ್ರೀ ಡಾಟ್ಸ್ಸೆಲೆಕ್ಟ್ ಮಾಡಿಕೊಳ್ಳಿ. ಬಳಿಕ ಅದರಲ್ಲಿ ಸ್ಯಾಟಲೈಟ್, ಟ್ರಾಫಿಕ್ ಆಪ್ಷನ್ ಮೇಲೆ ಕ್ಲಿಕ್ ಮಾಡಿದ್ರೆ ನಿಮಗೆ ಬೆಸ್ಟ್ ಪ್ರಿವ್ಯೂ ಕಾಣಿಸುತ್ತದೆ.
ರಿಯಲ್ ಟೈಂ ಟ್ರಾಫಿಕ್ ಅಪ್ಡೇಟ್ಸ್: ನೀವು ಟ್ರಾಫಿಕ್ ಬಗ್ಗೆ ಅಪ್ಡೇಟ್ ಪಡೆಯಲು ಗೂಗಲ್ ಮ್ಯಾಪ್ಸ್ನ ಈ ಫೀಚರ್ ಬಳಸುವುದರಿಂದ ಬಹಳ ಉಪಯೋಗವಾಗುತ್ತದೆ. ಗೂಗಲ್ ಮ್ಯಾಪ್ಸ್ ಪ್ರಸ್ತುತ ಟ್ರಾಫಿಕ್ ಸ್ಥಿತಿಗಳನ್ನು ವಿಶ್ಲೇಷಿಸುತ್ತದೆ. ಒಂದು ವೇಳೆ ವಾಹನಗಳ ದಟ್ಟಣೆ ಹೆಚ್ಚಾಗಿದ್ರೆ ವಿಳಂಬವಾಗುತ್ತದೆ ಎಂದು ಎಚ್ಚರಿಸುವುದರ ಜೊತೆಗೆ ಪ್ರತ್ಯೇಕ ಮಾರ್ಗಗಳನ್ನೂ ಸೂಚಿಸುತ್ತದೆ. ಈ ಫೀಚರ್ ಬೆಂಗಳೂರು, ದೆಹಲಿ, ಮುಂಬೈ ಸೇರಿದಂತೆ ಅನೇಕ ಹೈಟೆಕ್ ಸಿಟಿಗಳಲ್ಲಿ ಹೆಚ್ಚು ಉಪಯುಕ್ತ.
ಸ್ಟ್ರೀಟ್ ವ್ಯೂ: ಗೂಗಲ್ ಮ್ಯಾಪ್ಸ್ನಲ್ಲಿ ಸ್ಟ್ರೀಟ್ ವ್ಯೂ ಫೀಚರ್ ಅತ್ಯುತ್ತಮವೆನಿಸುತ್ತದೆ. ಏಕೆಂದ್ರೆ, ನೀವು ಗಮ್ಯಸ್ಥಳವನ್ನು ತಲುಪುವುದಕ್ಕಿಂತ ಮೊದಲು ಅದರ ಗ್ರೌಂಡ್-ಲೆವಲ್ ವ್ಯೂ ನಿಮಗೆ ಕಾಣಿಸುತ್ತದೆ. ಈ ಫೀಚರ್ ಲ್ಯಾಂಡ್ಮಾರ್ಕ್ಸ್, ಎಂಟ್ರೆನ್ಸಸ್ ಗುರುತಿಸಲು ನೆರವಾಗುತ್ತದೆ. ಇದರಿಂದ ನಿಮಗೆ ಗೊತ್ತಿರದ ಸ್ಥಳಗಳ ಬಗ್ಗೆ ತಿಳಿದುಕೊಳ್ಳಬಹುದು.
ವಾಯ್ಸ್ ಕಮಾಂಡ್ಸ್: ನೀವು ಡ್ರೈವಿಂಗ್ ಮಾಡುವ ಸಮಯದಲ್ಲಿ ನಿಮ್ಮ ಕೈಗಳನ್ನು ಉಪಯೋಗಿಸದೇ ಗೂಗಲ್ ಮ್ಯಾಪ್ಸ್ ಆಪರೇಟ್ ಮಾಡುವುದಕ್ಕೆ ಈ ವಾಯ್ಸ್ ಕಮಾಂಡ್ ಫೀಚರ್ ಬಹಳ ಉತ್ತಮ. ಇದಕ್ಕಾಗಿ ನೀವು ವಾಯ್ಸ್ ಕಮಾಂಡ್ಸ್ ಅನ್ನು ಆ್ಯಕ್ಟಿವ್ ಮಾಡಿಕೊಳ್ಳಬೇಕು. 'Hey Google' ಎಂದು ಹೇಳಿ ನಿಮ್ಮ ಕಮಾಂಡ್ ಬಗ್ಗೆ ಮಾಹಿತಿ ನೀಡಿ ಇದನ್ನು ಉಪಯೋಗಿಸಬಹುದು.
ಇದನ್ನೂ ಓದಿ: ಮನೆಯಲ್ಲೇ ಕಸದಿಂದ ಗೊಬ್ಬರ ತಯಾರಿಸುವ 'ದೋಸ್ತ್ ಬಿನ್': ಜಿಕೆವಿಕೆ ಕೃಷಿಮೇಳದಲ್ಲಿ ವಿಶೇಷ ಯಂತ್ರ
