ಹಿರೇಕೆರೂರಲ್ಲಿ ಬಿಜೆಪಿ-ಕಾಂಗ್ರೆಸ್​ ನಡುವೆ ಬಿಗ್​ ಫೈಟ್​​: ಪಾಟೀಲ್ vs ಬನ್ನಿಕೋಡ್‌

ಹಾವೇರಿ ಜಿಲ್ಲೆ ಹಿರೇಕೆರೂರು ವಿಧಾನಸಭಾ ಉಪಚುನಾವಣೆಯಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್ ನಡುವೆ ನೇರಾನೇರ ಹಣಾಹಣಿ ಏರ್ಪಟ್ಟಿದೆ. ಅನರ್ಹ ಶಾಸಕ ಬಿ.ಸಿ.ಪಾಟೀಲ್‌ ಇದೀಗ ಕಮಲ ಮುಡಿದಿದ್ದಾರೆ. ಹಿರೇಕೆರೂರು ಬಿಜೆಪಿ ಅಭ್ಯರ್ಥಿಯಾಗಿರುವ ಪಾಟೀಲ್‌ಗೆ ಮಾಜಿ ಶಾಸಕ ಯು.ಬಿ. ಬಣಕಾರ್ ಸಾಥ್ ನೀಡಿದ್ದು, ಪಾಟೀಲ್​ಗೆ ಗೆಲ್ಲುವ ಆಕಾಂಕ್ಷೆ ಹೆಚ್ಚಿಸಿದೆ. ಹಿರೇಕೆರೂರು ಕ್ಷೇತ್ರವನ್ನ ತೀವ್ರ ಪ್ರತಿಷ್ಠೆಯಾಗಿ ತೆಗೆದುಕೊಂಡಿರುವ ಕಾಂಗ್ರೆಸ್, ಹಿರಿಯ ರಾಜಕಾರಣಿ ಬಿ.ಹೆಚ್.ಬನ್ನಿಕೋಡ್‌ಗೆ ಟಿಕೆಟ್ ನೀಡಿದೆ.