ಯುವತಿಯ ಮನವಿಗೆ ಮಿಡಿದ 'ಪ್ಯಾಡ್​ ವುಮನ್'​: ಉಚಿತವಾಗೇ ಸ್ಯಾನಿಟರಿ ಪ್ಯಾಡ್​ ನೀಡಲು ಸಜ್ಜು

ಕೊಪ್ಪಳ: ಕೊರೊನಾ ವೈರಸ್​ ಹರಡುವಿಕೆ ಹತೋಟಿಗೆ ತರುವ ನಿಟ್ಟಿನಲ್ಲಿ ದೇಶದಲ್ಲಿ ಎರಡನೇ ಹಂತದ ಲಾಕ್ ಡೌನ್ ಮುಂದುವರೆದಿದೆ. ಇದರಿಂದ ಸಂಕಷ್ಟಕ್ಕೆ ಸಿಲುಕಿದ ಜನರಿಗೆ ಹಲವರು ತಮ್ಮ ಶಕ್ತಾನುಸಾರ ಸಹಾಯ ಮಾಡುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಗ್ರಾಮೀಣ ಪ್ರದೇಶದ ಯುವತಿಯೊಬ್ಬಳು ಮಾಡಿದ ವಿಡಿಯೋ ಮನವಿಯಿಂದ ಕೊಪ್ಪಳದ ಪ್ಯಾಡ್ ವುಮನ್ ಎಂದು ಕರೆಸಿಕೊಳ್ಳುವ ಭಾರತಿ ಗುಡ್ಲಾನೂರು ಅವರು ಗ್ರಾಮೀಣ ಪ್ರದೇಶದ ನೂರಾರು ಮಹಿಳೆಯರಿಗೆ ಅಗತ್ಯ ಸ್ಯಾನಿಟರಿ ಪ್ಯಾಡ್​ಗಳನ್ನು ಉಚಿತವಾಗಿ ನೀಡಲು ತಯಾರಿ ನಡೆಸಿದ್ದಾರೆ. ಈ ಕುರಿತು ಅವರು ಈಟಿವಿ ಭಾರತದೊಂದಿಗೆ ಮಾತನಾಡಿದ್ದಾರೆ.