ಸ್ವಿಫ್ಟ್‌ ಡಿಸೈರ್ ಕಾರು, ಗೂಡ್ಸ್ ವಾಹನದ ನಡುವೆ ಡಿಕ್ಕಿ: ಅಪಘಾತದ ಸಿಸಿಟಿವಿ ದೃಶ್ಯ

ಚಿತ್ರದುರ್ಗ: ಹೊಳಲ್ಕೆರೆ ತಾಲೂಕಿನ ರಾಮಗಿರಿ ಬಳಿ ಸ್ವಿಫ್ಟ್‌ ಡಿಸೈರ್ ಕಾರು ಹಾಗೂ ಗೂಡ್ಸ್ ವಾಹನದ ನಡುವೆ ಅಪಘಾತದ ಸಂಭವಿಸಿದೆ. ಘಟನೆಯ ಭಯಾನಕ ದೃಶ್ಯ ಸಿಸಿ‌ಟಿವಿಯಲ್ಲಿ ಸೆರೆಯಾಗಿದೆ. ಈ ವಾಹನಗಳು ಹೊಳಲ್ಕೆರೆಯಿಂದ ತರೀಕೆರೆಗೆ ತೆರಳುತ್ತಿದ್ದ ವೇಳೆ ಘಟನೆ ಸಂಭವಿಸಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಅದೃಷ್ಟವಶಾತ್ ಯಾವುದೇ ಪ್ರಾಣ ಹಾನಿ ಆಗಿಲ್ಲ. ಕಳೆದ‌ ಮೂರು ದಿನಗಳ‌ ಹಿಂದೆ‌ ನಡೆದ ಅಪಘಾತ ಇದಾಗಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.