ಶಾಸಕ ಬೆಲ್ಲದ್ ವಿರುದ್ಧ ಸಿಡಿದೆದ್ದ ವ್ಯಾಪಾರಿಗಳು: ಕಾರಿನ ಎದುರು ನಿಂತು ಪ್ರತಿಭಟನೆ

ಧಾರವಾಡ: ಶಾಸಕ ಅರವಿಂದ ಬೆಲ್ಲದ್ ನಿನ್ನೆ ಇಲ್ಲಿನ ಸೂಪರ್​​ ಮಾರುಕಟ್ಟೆಗೆ ಭೇಟಿ ನೀಡಿದರು. ಈ ವೇಳೆ ವ್ಯಾಪಾರಸ್ಥರು ಶಾಸಕರ ಕಾರಿನ ಎದುರು ನಿಂತು ಪ್ರತಿಭಟನೆ ನಡೆಸಿದರು. ಸ್ಥಳಕ್ಕೆ ಬರುತ್ತಿದ್ದಂತೆ ವಾಹನದಿಂದ ಇಳಿದು ಮಾತನಾಡಲು ಮುಂದಾದ ಶಾಸಕರ ವಿರುದ್ಧ ವ್ಯಾಪಾರಸ್ಥರು ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ಸೂಪರ್ ಮಾರುಕಟ್ಟೆಯಲ್ಲಿ ಖಾಯಂ ಆಗಿ ವ್ಯಾಪಾರ ಮಾಡಲು ಅವಕಾಶ ನೀಡಬೇಕೆಂದು ಆಗ್ರಹಿಸಿದರು.