ಸೋನು ಸೂದ್ ಹೆಸರಲ್ಲಿ ವೆಲ್ಡಿಂಗ್​ ಶಾಪ್​: ನಟನಿಗೆ ವಲಸಿಗನ ಗೌರವ

ಭುವನೇಶ್ವರ್: ಕೋವಿಡ್​ ಲಾಕ್​ಡೌನ್​ನಲ್ಲಿ ಸಿಲುಕಿದ್ದ ವಲಸಿಗರಿಗೆ ಮುಂಬೈ ಮಹಾನಗರಿಯಿಂದ ತಮ್ಮೂರುಗಳಿಗೆ ತೆರಳಲು ನಟ ಸೋನು ಸೂದ್​ ಸಹಾಯ ಮಾಡಿದ್ದರು. ಬಸ್​, ವಿಮಾನ, ರೈಲು ಪ್ರಯಾಣಕ್ಕೆ ನೆರವು ನೀಡಿದ್ದರು. ಹೀಗೆ ಸಹಾಯ ಪಡೆದು ವಿಮಾನದಲ್ಲಿ ಪ್ರಯಾಣಿಸಿದ ಒಡಿಶಾದ 32 ವರ್ಷದ ಪ್ರಶಾಂತ್ ಕುಮಾರ್ ಪ್ರಧಾನ್​, ತಮ್ಮೂರಲ್ಲಿ ವೆಲ್ಡಿಂಗ್ ಅಂಗಡಿಯೊಂದನ್ನು ತೆರೆದಿದ್ದಾರೆ. ಅದಕ್ಕೆ ನಟನ ಹೆಸರನ್ನು ಇಟ್ಟಿದ್ದಾರೆ. ಈ ಮೂಲಕ ತಮ್ಮ ಗೌರವವನ್ನ ಸಲ್ಲಿಸಿದ್ದಾರೆ.