અંબાજીમા યાત્રીકોની ભારે ભીડ, હજારો શ્રદ્ધાળુંઓ અંબાજીનાં દર્શનાર્થે પહોંચ્યાં

અંબાજી: સુપ્રસિધ્ધ યાત્રાધામ અંબાજી ખાતે રવિવારે ભાદરવી પુનમનાં મેળાનું શુભારંભ થનાર છે, ત્યારે અંબાજીમાં શનિવારથી જ જાણે મેળો શરૂ થઈ ગયો હોય તેવો માહોલ જોવા મળી રહ્યો છે. હજારો શ્રદ્ધાળુંઓ અંબાજીનાં દર્શનાર્થે પહોંચ્યાં હતા. મંદિરમાં પણ ભક્તોની ભારે ભીડ થતા દર્શનાર્થીઓની લાંબી કતારો જોવા મળી હતી. જ્યારે અમદાવાદથી નિકળેલો વ્યાસવાડીનો સંઘ પણ આજે અંબાજી ખાતે પહોંચ્યો હતો. જેને લઇને મેળાનાં આગલા દિવસે પોતાની 52 ગજની ધજા માતાજીને ચઢાવી જયઘોશ કર્યો હતો. આ વખતે 25 વર્ષ પુર્ણ કર્યા છે. એટલુ જ નહીં રાજ્ય અને કેન્દ્ર સરકારના સ્વચ્છતા અભિયાન અને પ્લાસ્ટીક મુક્તના અભિયાનને પણ આગળ ધપાવવા યાત્રીકો હુકાર ભરી રહ્યા છે.