અંકલેશ્વરનાં માંડવા ગામે મામાએ ભાણેજ પર કર્યા પ્રહારો

ભરૂચઃ અંકલેશ્વર તાલુકાના માંડવા ગામે નજીવી બાબતે મામાએ ભાણેજની હત્યાની કોશિશ કરતા ચકચાર મચી ગઈ હતી. માંડવા ગામે માછી પટેલ ફળિયામાં રહેતા ગોમાનભાઇ પટેલ ઘરમાં મોટા અવાજે વાત કરતા હતા આ બાબતે તેમની ભાણેજ હિતાક્ષી પટેલે તેમને ધીમે વાત કરવા કહ્યું હતું જેથી ગોમાન પટેલ ઉશ્કેરાઈ ગયો હતો. અને ભાણેજ હિતાક્ષીને ગળાના ભાગે ચપ્પુના ઉપરાછાપરી ઘા મારી દીધા હતા.હિતાક્ષી ગંભીર રીતે ઘાયલ થતા તેણે સારવાર અર્થે ખસેડવામાં આવી હતી.બનાવ સંદર્ભે શહેર પોલીસે ગોમાન પટેલ વિરુદ્ધ હત્યાની કોશિશ અંગેનો ગુન્હો દાખલ કરી તેની ધરપકડ કરી કાયદેસરની કાર્યવાહી હાથ ધરી હતી.