નવરંગપુરા PGમાં યુવતીની છેડતી મામલે ફરીયાદ નોંધી મહિલા ક્રાઈમની ટીમ પણ પહોંચી

અમદાવાદ: શહેરમાં આવેલા નવરંગપુરા વિસ્તારના એક PGમાં મહિલા સાથે બનેલી છેડતીની ઘટનાને લઈને નવરંગપુરા પોલીસ દ્વારા ફરિયાદ નોંધવાની તજવીજ હાથ ધરવામાં આવી છે. જેમાં PGની મહિલાઓના નિવેદનો નોંધીને આગળની તપાસ હાથ ધરવામાં આવશે . તો આ મામલે PGમાં રહેતી મહિલા નવરંગપુરા પોલીસ સ્ટેશન પહોંચી નિવેદન નોંધાવવાની કાર્યવાહી શરૂ કરી છે. જેમાં સ્થાનિક પોલીસ સાથે ક્રાઈમ બ્રાન્ચ અને મહિલા ક્રાઇમની ટીમ પણ તપાસમાં જોડાઈ છે. આ મામલે મહિલા ક્રાઇમ બ્રાંચના ACP તથા અન્ય અધિકારીઓ નવરંગપુરા પોલીસ સ્ટેશન પહોંચી PGમાં રહેતી યુવતીઓના નિવેદન લેવાનું શરૂ કર્યુ છે.