Gram Panchayat Election Result 2021: મહીસાગરમાં 6 તાલુકા કેન્દ્ર પર મતગણતરીનો પ્રારંભ, કુલ 891 કર્મચારીઓ જોડાયા

મહિસાગર જિલ્લામાં 256 ગ્રામ પંચાયતોની સામાન્ય ચૂંટણી(Gram Panchayat Election Result 2021) રવિવારે યોજાઈ હતી. જેમાં 80.58 ટકા મતદાન થયું હતું, ત્યારે મંગળવારે જિલ્લાના 6 તાલુકાના 6 મતગણતરી કેન્દ્રો પર મતગણતરીનો(Gram Panchayat Election Mahisagar) પ્રારંભ થયો છે. મતગણતરી પ્રક્રીયામાં કુલ 891 અધિકારી-કર્મચારીઓ જોડાયા છે. મતગણતરી(Counting center in Mahisagar) સમય દરમિયાન કાયદો અને વ્યવસ્થાનું પાલન થાય તે માટે તંત્ર દ્વારા જીલ્લામાં 464 પોલિસ જવાનો તેમજ અધિકારીઓ મતગણતરી સ્થળ પર તૈનાત રાખવામાં આવ્યા છે. તમામ સ્ટ્રોંગરૂમ આગળ પોલીસનો(Police at Mahisagar counting center) ચુસ્ત બંદોબસ્ત ગોઠવી દેવામાં આવ્યો છે. કોવિડ ગાઇડલાઇનનું પાલન થાય તેમજ આરોગ્ય સેવા મળી રહે તે માટે 100 જેટલાં આરોગ્ય કર્મીઓ પણ મતગણતરી કેન્દ્રો પર ઉપસ્થિત છે.