18 કિલો ગાંજા સાથે પિતા-પુત્રની ધરપકડ

અમદાવાદ : પોલીસ કમિશનર દ્વારા શહેરમાં ગુનાખોરી અટકાવવા અને ડ્રગ્સ , દારૂની હેરાફેરી અટકાવવા માટે કડક સૂચના આપવામાં આવી છે. SOG ટીમ દ્વારા અમદાવાદના ખોખરા વિસ્તારમાં રીક્ષા ચાલક પિતા અને પુત્રની 18 કિલો ચરસ અને ગાંજાના મુદ્દામાલ સાથે ધરપકડ કરવામાં આવી હતી. આ બાબતે SOGના DCP ડૉ. હર્ષદ પટેલે જણાવ્યું કે, તેઓ દિવાળીના તહેવારમાં છૂટક વેચાણ માટે ચરસ અને ગાંજો લાવ્યા હતા. તેમજ આ મુદ્દામાલ ખોખરા વિસ્તારમાં રહેતા મદીના શેખ પાસેથી ખરીદવામાં આવ્યો હતો. જ્યારે આ સમગ્ર માલ સુરતથી આવ્યો હોવાનું પણ પ્રાથમિક તપાસમાં બહાર આવ્યું હતું. જ્યારે પોલીસે મુખ્ય સપ્લાયર મદીના શેખની ધરપકડ કરવાના ચક્રો પણ ગતિમાન કર્યા હતા.