ગાંધીનગરમાં મુખ્ય ચૂંટણી અધિકારીએ સહપરિવાર કર્યું સૌથી પહેલા મતદાન

ગાંધીનગર ખાતે IAS અધિકારીઓ મતદાન કરી શકે તે માટે અલગ બૂથ તૈયાર (Polling Stations for IAS Officers) કરવામાં આવ્યું છે. ત્યારે અહીં વહેલી સવારે રાજ્યનાં મુખ્ય ચૂંટણી અધિકારી પી ભારતીએ સહપરિવાર અહીં સૌપ્રથમ (Chief Electoral Officer cast vote in Gandhinagar) મતદાન કર્યું હતું. આ સાથે જ અહીં નાયબ ચૂંટણી અધિકારી કુલદીપ આર્યાએ પણ મતાધિકારનો ઉપયોગ કર્યો હતો. બંને અધિકારીઓએ મીડિયા સાથેની વાતચીતમાં જણાવ્યું હતું કે, લોકશાહીનું પર્વ (Gujarat Election 2022) આજે ઉજવાઈ રહ્યું છે. સાથે જ તેમણે વધુને વધુ લોકો મતદાન કરે તેવી અપીલ કરી હતી. જ્યારે કૉંગ્રેસના પ્રદેશ પ્રમુખ જગદીશ ઠાકોરે મોડી રાત્રે રજૂઆત કરી હતી અને ઉમેદવાર ઉપર હુમલો થયા હોવાની ફરિયાદ પણ ઈલેક્શન કમિશનમાં કરવામાં આવી હતી. ત્યારે આ બાબતે પણ જિલ્લા પોલીસ તંત્ર સાથે ચર્ચા કરીને ઉમેદવાર અત્યારે સહીસલામત હોવાની વિગતો પણ મુખ્ય ચૂંટણી અધિકારીએ (Chief Electoral Officer cast vote in Gandhinagar) આપી હતી.