Man burnt alive in Nagaon: নগাঁৱত জীৱন্তে জ্বলাই দিয়া হ’ল এজন লোকক

নগাঁৱত ভয়ংকৰ ঘটনা । নগাঁৱৰ বৰলালুং গাঁৱত স্থানীয় ৰাইজে জীৱন্তে জ্বলাই দিলে এজন লোকক (Man burnt alive in Nagaon) । মৃত লোকজন বৰলালুং গাঁৱৰ ৰঞ্জিত বৰদলৈ বুলি জানিব পৰা গৈছে ৷ তথ্য অনুসৰি, কেইদিনমান পূৰ্বে সবিতা পাতৰ নামৰ এগৰাকী মহিলাক হত্যা কৰাৰ অভিযোগ উত্থাপন হৈছিল ৰঞ্জিত বৰদলৈৰ বিৰুদ্ধে ৷ এই হত্যাৰ সন্দৰ্ভত শনিবাৰে গাঁওবাসী ৰাইজ মেল পাতিছিল ৷ এই ৰাইজ মেলতে অভিযুক্ত ৰঞ্জিত বৰদলৈয়ে মহিলাগৰাকীক হত্যা কৰাৰ কথা স্বীকাৰ কৰিছিল ৷ তাৰ পাচত উত্তেজিত ৰাইজে ৰঞ্জিত বৰদলৈক জীৱন্তে জ্বলাই দিয়ে ৷ এই ঘটনাক কেন্দ্ৰ কৰি এক উত্তেজনাময় পৰিৱেশে বিৰাজ কৰিছে নগাঁৱৰ পুৰণিগুদামত ৷ ইতিমধ্যে ঘটনাস্থলীত পুৰণিগুদাম আৰক্ষী উপস্থিত হৈ আৰম্ভ কৰিছে অনুসন্ধান ৷ বাতৰি যুগুত কৰা পৰলৈকে উদ্ধাৰ হোৱা নাই মৃত ৰঞ্জিত বৰদলৈৰ দেহৰ কোনো অৱশিষ্ট ৷