নতুন ক’ভিড নিৰ্দেশনাৰ প্ৰতি সঁহাৰি জখলাবন্ধাৰ ব্যৱসায়ীৰ

উজনি-নামনিৰ মধ্যস্থল তথা হোটেল-ব্যৱসায়, বাণিজ্যৰ প্ৰাণকেন্দ্ৰ জখলাবন্ধাত ২ বজাৰ লগে-লগে বন্ধ হয় হোটেল,দোকান-পোহাৰ সকলো ৷ চৰকাৰী নতুন নীতি-নিৰ্দেশনাৰ প্ৰতি সঁহাৰি জনাই ২ বজাত দোকান-পোহাৰ,হোটেল বন্ধ কৰে জখলাবন্ধাৰ ব্যৱসায়ী সকলে । ক’ভিডৰ যি ভয়াৱহ সংক্ৰমণ, সেই সংক্ৰমণ কলিয়াবৰতো বৃদ্ধি হোৱাৰ লগে-লগে সাৱধান হৈছে কলিয়াবৰবাসী ৷ বুধবাৰৰ দিনটোত কলিয়াবৰত পুনৰ ১৩ জন লোক ক’ভিড-19ত আক্ৰান্ত হয় । এই পৰ্যন্ত কলিয়াবৰত 162 লৈ বৃদ্ধি পালে কৰ’না আক্ৰান্তৰ সংখ্যা ।