শিলাবৃষ্টিত শুকুলা হৈ পৰিল মাজুলী, নামিল হাড় কঁপোৱা জাৰ

মাজুলী: প্ৰচণ্ড শীতে কঁপাইছে ৰাজ্য় । বিগত কেইবাদিন ধৰি ৰাজ্য়ৰ কেইবাখনো জিলাত শীতপ্ৰৱাহ অব্য়াহত আছে । পুৱা-গধূলি বহুতেই জুই পুৱাই শীতৰ পৰা পৰিত্ৰাণ পাবলৈ চেষ্টা কৰিছে । এই হাড় কঁপোৱা ঠাণ্ডাৰ মাজতেই সত্ৰপীঠ মাজুলীত আহিল শীতৰ প্ৰথমজাক শিলাবৃষ্টি । শুকুলা হৈ পৰিল মাজুলী ।

ৰাজ্যৰ বিভিন্ন প্ৰান্তৰ লগতে সত্ৰপীঠ মাজুলীতো যোৱানিশা প্ৰচণ্ড শিলবৰষুণ হয় । শীতৰ প্ৰথমজাক শিলাবৃষ্টিয়ে মাজুলীৰ বিভিন্ন অঞ্চলত বিস্তৰ ক্ষতিসাধন কৰে । নিশাৰ ভাগত অহা শিলবৰষুণৰ বাবে কামত বাহিৰলৈ ওলাই অহা লোকসকল বিভিন্ন স্থানত আবদ্ধ হৈ পৰে । এই শিলবৰষুণত খেতি পথাৰৰো বিস্তৰ ক্ষতিসাধন হৈছে । প্ৰচণ্ড শিলবৰষুণত মাজুলীৰ বিভিন্ন অঞ্চলৰ পথসমূহ,মানুহৰ ঘৰৰ চোতালসমূহ বগা হৈ পৰে । লগে লগে নামি আহে প্ৰচণ্ড শীত ।

লগতে পঢ়ক:ৰাজ্যত বৃদ্ধি শীতৰ প্ৰকোপ: ব্যাহত স্বাভাৱিক জনজীৱন - COLD WAVE IN ASSAM