ডিমৌত বনৰীয়া হাতীৰ মুকলি বিচৰণ

ডিমৌত বন্যহস্তীৰ আতংক। পানীদিহিং পক্ষী অভয়াৰণ্যৰ দাঁতিত পুৱাৰে পৰা বিচৰণ কৰিছে বন্যহস্তীৰ বৃহৎ জাকে। বনৰীয়া হাতী চাবলৈ এতিয়া লানি নিছিগা সোঁত বৈছে মানুহৰ । ইফালে অৰ্ধশতাধিক হাতীৰ এটা জাকে ডিমৌৰ চৰ'গুৱাৰ জনবসতিপূৰ্ণ এলেকাৰ কাষত অৱস্থান কৰিছে। এই হাতীৰ জাকটোৰ আক্ৰমণত ইতিমধ্যে প্ৰাণ গৈছে এটা গৰুৰ। কিন্তু এইপৰ্যন্ত ঘটনাস্থলীত উপস্থিত হোৱা নাই বন বিভাগৰ দল। নিশা হ'লেই জনবসতি থকা গাঁৱত হাতীৰ জাকটোৱে প্ৰৱেশ কৰাৰ আশংকাত ভুগিছে স্থানীয় ৰাইজে।