শম্ভূ সিং মাল্লাৰ প্ৰচাৰত তেজস্বী যাদৱে ক’লে 'খেলা হবে'

কৰিমগঞ্জৰ ৰাতাবাৰী সমষ্টিৰ কংগ্রেছ প্ৰাৰ্থী শম্ভূ সিং মাল্লাৰ প্ৰচাৰলৈ অহা তেজস্বী যাদৱৰ মুখত এইবাৰ 'খেলা হবে'। তেওঁৰ সৈতে আছিল ভাৰত মহিলা কংগ্রেছৰ সভানেত্ৰী সুস্মিতা দেৱ । অসম বিধানসভাৰ ১ নং ৰাতাবাৰী সমষ্টিৰ দুৰ্লভছড়া খেলপথাৰত এক নিৰ্বাচনী জনসভাত ভাগ লয় তেজস্বী যাদৱে । তেওঁ বক্তব্যত মহাজোঁটৰ কংগ্রেছ প্ৰাৰ্থীক জিকাবলৈ আহ্বান জনায় । তেওঁ কয় যে, আপোনালোক যথেষ্ট বুদ্ধিমান । আৰু এই বুদ্ধিমত্তাৰ জৰিয়তে কংগ্রেছক ভোট দি মহাজোঁটৰ চৰকাৰ গঠনৰ সহায়তা কৰক । মহাজোঁট গঠন কৰা হৈছে আপোনাৰ লোকৰ নায্য দাবী আদায়ৰ বাবে । পশ্চিমবংগৰ পৰা এইবাৰ বিজেপিৰ চাফাই হ’ব । ঠিক একেদৰে অসমতো এইবাৰ মহাজোঁটৰ চৰকাৰ হ’ব । মই প্ৰথমবাৰৰ বাবে বৰাক উপত্যকালৈ আহিছো । ইয়ালৈ আহি মোৰ নিজৰ ঘৰৰ দৰে অনুভৱ কৰিছো ।