চতুৰ্থ দিনাও সন্ধান নাই পিংকুৰ: বুঢ়া লুইতক প্ৰাৰ্থনা ৰাইজৰ

মাজুলী : যোৱা সোমবাৰে কেইজনমান যুৱকে মাজুলীৰ অফলামুখঘাটৰ সমীপত পুৰণা বেচামৰাৰ ৩ নম্বৰ শৈল্যস্পাৰত বনভোজৰ বাবে গৈছিল । তেওঁলোকৰ ভিতৰত পিংকু হাজৰিকা নামৰ এজন যুৱক সন্ধানহীন হৈ পৰিছিল । তেতিয়াৰে পৰা সন্ধান নাই যুৱকজনৰ । ব্ৰহ্মপুত্ৰত এছ ডি আৰ এফে অভিযানো অব্যাহত ৰাখিছে । তাৰ মাজতে ব্ৰহ্মপুত্ৰ নদীত পূজা আগবঢ়ালে গাঁওখনৰ ৰাইজে । বুঢ়া লুইতৰ ওচৰত সেৱা লৈ বাঘৰ গাঁৱৰ ৰাইজে পিংকুক উদ্ধাৰৰ বাবে প্ৰাৰ্থনা কৰে । ৰাইজে দবা, কাঁহ আদি বজাই ব্ৰহ্মপুত্ৰৰ ওচৰত পূজা আগবঢ়ায় ।

ইফালে পিংকুৰ নিৰুদ্দেশক লৈ গাঁওখনত এতিয়া তীব্ৰ চাঞ্চল্যৰ সৃষ্টি হৈছে । পিংকুৰ নিৰুদ্দেশত বনভোজলৈ যোৱা বন্ধুকেইজন জড়িত থকাৰ সন্দেহ কৰিছে পৰিয়ালৰ লোকে । যাৰ বাবে পিংকুৰ বন্ধুকেইজনক ভালদৰে সোধা-পোছা কৰিবলৈ আৰক্ষীক আহ্বান জনাইছে পৰিয়ালৰ লোকে ।

লগতে পঢ়ক :চৌব্বিশ ঘণ্টা পাৰ হ'ল: চেণ্ডেলৰ বাহিৰে একোৱেই পোৱা নাই ডুবাৰুৱে - YOUTH MISSING IN BRAHMAPUTRA