বকোত গণৰাজ্য দিৱসৰ পেৰেডৰ অনুশীলনত ব্যস্ত মহাবিদ্যালয়ৰ ছাত্ৰ-ছাত্ৰী

ক'ভিড প্ৰট'কলৰ বাবে এইবাৰ ম্লান পৰিব গণৰাজ্য দিৱসৰ উল্লাস । ক‘ৰণা মহামাৰীৰ বাবে গণৰাজ্য দিৱস উপলক্ষে চৰকাৰে বান্ধি দিছে বিভিন্ন নিয়মাৱলী আৰু সেই বাবেই এইবাৰ গণৰাজ্য দিৱস উদযাপন কিম্বা কোনো ধৰণৰ সাংস্কৃতিক অনুষ্ঠান অনুষ্ঠিত নহ'ব । বিভিন্ন চৰকাৰী বেচৰকাৰী অনুষ্ঠান প্ৰতিষ্ঠানে নিজৰ কাৰ্যালয়ৰ চৌহদতে পালন কৰিব লাগিব গণৰাজ্য দিৱস । এই নীতি নিৰ্দেশনা সমূহৰ প্ৰতি লক্ষ্য ৰাখি এইবাৰ বকো জৱাহৰলাল নেহৰু মহাবিদ্যালয়ৰ এন চি চি আৰু স্কাউট এণ্ড গাইডৰ ছাত্ৰ ছাত্ৰীয়ে পেৰেড প্ৰদৰ্শন কৰিব বকো জৱাহৰলাল নেহৰু মহাবিদ্যালয়ৰ চৌহদত ৷ সোমবাৰে এই পেৰেডৰ বাবে পূৰ্ণ প্ৰস্তুতি চলায় ছাত্ৰ ছাত্ৰীয়ে ।